Eýraziialyq odaq: Kedendik kodeks qashan kúshine enedi?
Saiasattanýshy, «Eýraziia álemi» QQ jetekshisi Edýard Poletaev óz sózinde: «Kodeks aldaǵy jyldyń basynan bastap kúshine enýis tiis. Biraq, kóptegen máseleler boiynda odaqqa múshe elder áli de bolsa ortaq kelisimge kelgen joq. Endeshe kodeks keler jyly da qabyldanbai qalýy múmkin» pikir bildirdi.
Al Zonakz.net internet-gazetiniń saiasi sholýshysy Vladislav Iýritsynyń aitýynsha Eýraziialyq odaqtyń keńistiginde satyp alýshylardyń, iaǵni, tutynýshylardyń múddesin qorǵaityn qandai da bir lobbilik toptar joq. Iaǵni, bul kodekstiń engizilýi aldymen qarapaiym turǵyndar ne beretinin eskerý kerek.
Óz kezeginde Caspian Bridge aqparattyq-saraptamalyq ortalyǵynyń bas redaktory Zamir Karajanov: «Kedendik kodeksti ázirleý barysynda barlyq memleketterdiń múddeleri eskerilgeni anyq. Sebebi, pikirsaiystarda biznes jáne memlekettik qurylymdardyń ókilderi qatysqan bolatyn. Biraq ta, qalai bolǵan kúnniń ózinde Reseidiń lobbilik múmkindigi odaqqa múshe basqa elderge qaraǵanda áldeqaida kúshti. Birinshi kezekte, bul Kedendik kodeks Reseige qajet. Osy arqyly Máskeý ózin ekonomikalyq turǵy. Al biz she? Bizde qandai qaýqar bar?» dedi.
Saiasattanýshy Anton Morozovtyń pikirinshe Kodeks kúshine engen jaǵdaida otandyq óndirýshilerdi taǵdyry qalai bolaryn eskerý kerek.
– Iá, zań júzinde bári jaqsy jáne minsiz. Kodeks ortaq, shekaralar ashyq, múmkindik te mol ári odaqqa birikken memleketterdiń quqyǵy da teń. Meniń aitaiyn degenim eger de atalǵan Kedendik kodeks otandyq óndirýshilerdiń máselelerin sheship jatsa, endeshe bul durys qujat bolǵany, – deidi Morozov.
Eýraziialyq franchaizing qaýymdastyǵynyń prezidenti Beknur Qisyqov óz kezeginde jinalǵandarǵa qarata: «Bizge Kedendik kodeksten ne kútýge bolady? Iá, kóptegen barerler, iaǵni kedergiler joiylady eken. Biraq, osynshalyqty qysqa merzimdi munyń bárin joiyp bolmasa qysqartyp jiberý múmkin emes. Eger kodeksti qazir qabyldaityn bolsaq, erteń eki júris jasaimyz. Iaǵni, kúshine enip, jumysyna kirisken Kodekske ózgerister men tolyqtyrýlar engizip áýrege túsemiz. Meni, franchaizing qaýymdastyǵynyń ókili retinde Kodeks kúshine engennen keiin jeke, intellektýaldyq múlik, avtorlyq quqyq qalai qorǵalady degen másele mazalaidy» dedi.
Al otyrysty túiindegen saiasattanýshy Andrei Chebotarev: «Kedendik kodeks qabyldanyp, naqty iske kiriskennen keiin ǵana biz Eýraziialyq odaqtyń qandai uiym ekenin (saiasi álde ekonomikalyq) aityp bere alatyn bolamyz» dedi.
