Jer silkinisinen keiin Almatyda aýqymdy tekseris júrgizilip jatyr, dep habarlaidy Dalanews.kz.
Saǵat 13:10-daǵy jaǵdai boiynsha Politsiia departamentiniń patrýldik kólikteri, órt sóndirý bólimderiniń arnaiy tehnikalary qala aýmaǵyn aralap, tekserip jatyr.
"Gidrobeket baqylaýshylary jáne injenerlik-tehnikalyq mamandar da algoritmge sáikes ózen arnalaryn jáne nysandardy tekserip jatyr", - dep jazylǵan habarlamada.
TJM "Qazseldenqorǵaý" memlekettik mekemesiniń mamandary ózen arnalaryn, gidrotehnikalyq qurylymdardy, sondai-aq, kóshkin jáne sel qaýpi bar aimaqtardy baqylaýǵa alǵan.
"Infraqurylym nysandary zaqymdanǵany-zaqymdanbaǵanyn anyqtaý úshin vizýaldy tekseris qolǵa alyndy. Qazir bul nysandar qalypty jumys istep tur. Zardap shekkender nemese qiraǵan nysandar týraly aqparat túsken joq", - dep jazylǵan habarlamada.
