Túrkistan oblysy Alǵabas aýylynda 13 adamnyń ómirin jalmaǵan órtten aman qalǵan erli-zaiyptynyń jaǵdaiy turaqtaldy. Bul týraly Túrkistan oblystyq densaýlyq saqtaý basqarmasy málimdedi, dep habarlaidy Dalanews.kz.
Basqarmanyń málimetinshe, qazirgi ýaqytta erli-zaiypty Jetisai aýdandyq ortalyq aýrýhanasynda em qabyldap jatyr.
“1 jeltoqsanda túsken naýqastardyń jaǵdaiy turaqty. Kúiik jaraqatynan keiingi em-sharalar júrgizilip jatyr. Tabiǵi jolmen tynys alýda, ómirlik mańyzdy kórsetkishteri qalypty. Emdeý hattamaǵa sáikes jalǵasyp, dárigerlerdiń turaqty baqylaýynda”, - delingen vedomstvo habarlamasynda.
Eske salaiyq, 18 qarasha kúni Túrkistan oblysy Alǵabas aýylynda eki qabatty úiden órt shyǵyp, 12 adam kóz jumdy.
"Oqiǵa ornyna órt sóndirý bólimi jetken kezde turǵyn úidiń tolyqtai órtke oranǵany anyqtaldy. Órtti barlaý jáne sóndirý barysynda úidiń ishinen es-tússiz kúidegi úsh adam evakýatsiialanyp, jedel meditsinalyq járdem brigadasyna tapsyryldy. Úidiń ishinen toǵyz balany qosa alǵanda, barlyǵy 12 adamnyń denesi tabyldy", - dep habarlady Túrkistan oblysy TJD 101.
Aita keteiik, 1 jeltoqsanda zardap shekken 7 jastaǵy qyz balanyń qaitys bolǵany belgili boldy.
Jetisaidan tikushaq arqyly oblystyq balalar aýrýhanasyna jetkizilgen búldirshinge dárigerler shuǵyl meditsinalyq kómek kórsetkenimen, onyń ómirin saqtap qalý múmkin bolmady.
