Qazaqstanda halyqaralyq iri esirtki jelileri áshkerelendi, dep habarlaidy Dalanews.kz.
Bas prokýror Berik Asylovtyń aitýynsha, tergeý barysynda 1 mlrd 155 mln teńge qolma-qol aqsha, sondai-aq memleket kirisine 3,2 mlrd teńgeden astam qarajat óndirilgen. Budan bólek, 734 myń teńge kólemindegi kriptovaliýtaǵa tyiym salynyp, 500 mln teńgeden astam múlik tárkilengen.
Onyń dereginshe, Shymkentte Telegram arqyly jumys istegen 300-den astam qatysýshysy bar halyqaralyq esirtki jelisi joiyldy. Tek eki figýranttyń qarjylyq tranzaktsiialary 7 mln dollardan asqan. 24 adam ustalyp, olardyń arasynda Resei, Ózbekstan jáne Aýǵanstan azamattary bar. Aqsha dropperlerdiń kartalary men tirkelmegen kriptobirjalar arqyly sheteldegi uiymdastyrýshylarǵa aýdarylyp otyrǵan. Qala aýmaǵynda eki esirtki zerthanasy anyqtalyp, joiylǵan. Onda daiyn mefedron, býylyp-túiilgen esirtki toptamalary, arnaiy qural-jabdyqtar tabylǵan.
Ulytaý oblysynda Telegram-dúken Kaef Mafia-nyń qyzmeti toqtatyldy. Tsifrlyq aktivter men kriptovaliýtalyq ámiiandar qosa eseptelgende, memleket kirisine 3,2 mlrd teńgeden astam qarjy óndirildi.
Mańǵystaý oblysynda Dune-Operator 24/7 jelisiniń músheleri esirtki saýdasynan túsken aqshany bankke ótkizýge tyrysqan. Nátijesinde 1 mlrd 155 mln teńge jáne 176 myń dollar tárkilendi. Sondai-aq sot kásipkerdiń esepshotyndaǵy 1 mlrd teńgege jáne 734 myń dollar kólemindegi kriptoámiianǵa buǵat qoidy.
