Qarjy monotorıng agenttigi “Almatyelektrotrans” JSHS-niń burynǵy bas dırektory Berikhan Murzakárimovti eki jyldan beri izdestirip jatyr, dep habarlaıdy Dalanews.kz.
Ol asa iri kólemde qarajat jymqyrý faktisi boıynsha kúdikke ilingen.
“İzdeýde júrgen kúdiktiniń sońǵy ýaqytta Túrkıa men Kıpr aýmaǵynda bolǵany týraly aqparat tarady”, — Pısma Prezıdentý telegam arnasy.
2023 jyldyń 26 jeltoqsanynda Quqyqtyq statısıka jáne arnaıy esepke alý organdarynyń portalynda “Almatyelektrotrans” burynǵy basshysyna izdeý jarıalanǵany jóninde aqparat paıda bolǵan edi.
Buǵan deıin, 2023 jyly 7 qarashada Telegram arnalarynda departament qyzmetkerleri Murzakárimovke qatysty qylmystyq is qozǵalǵany habarlanǵan. Olardyń málimetinshe, ol QR Qylmystyq kodeksiniń 189-baby — “Senip tapsyrylǵan bótenniń múlkin ıemdený nemese jymqyrý” boıynsha tergelýde.
