Almatyda «Elge kómek» qorynyń basshysy, «qazaqtyń Robin Gýdy» atanǵan tanymal azamat Iliias Sarievke úkim shyqty, dep habarlaidy Dalanews.kz
Almatynyń Almaly aýdandyq soty bloger Iliias Sarievti birneshe ret alaiaqtyq jasady dep tanyp, ony 3 jyl 8 ai merzimge bas bostandyǵynan aiyrdy. "Qazaq Robin Gýdy" jazasyn orta qaýipsizdik deńgeiindegi koloniiada óteidi.
Bastapqy úkim boiynsha Sariev 4 jyl 8 aiǵa sottalǵan edi. Alaida amnistiia qoldanylýyna bailanysty jaza 3 jyl 8 aiǵa deiin qysqartyldy. Sot 20 epizod boiynsha ony aqtap, 6 epizod boiynsha kináli dep tanydy.
Sýdia Ernar Qasymbaev úkimdi túsindire otyryp:
«Amnistiia aiasynda sot 3 jyl 8 aidan joǵary jaza taǵaiyndai almaidy. Bul - zańda bekitilgen eń joǵarǵy shek. Sondyqtan muny sottyń gýmanizm kórsetip, jazany tym jeńildetýi dep túsinýdiń qajeti joq», - dedi.
Ekinshi sottalýshy - Aqtoty Dúiseevaǵa qatysty sot Qylmystyq kodekstiń 74-babyn qoldandy. Bul bap kámeletke tolmaǵan balalary bar áielder úshin jazany keiinge qaldyrý múmkindigin qarastyrady.
Dúiseeva bastapqyda 4 jyl 6 aiǵa bas bostandyǵynan aiyrylǵan bolatyn. Amnistiia esebinen onyń jazasy orta qaýipsizdik koloniiasynda óteý úshin 3 jylǵa qysqartyldy. Alaida jaza 2028 jylǵa deiin - onyń balasy 14 jasqa tolǵanǵa deiin - keiinge qaldyryldy. Osy ýaqyt aralyǵynda ol probatsiialyq baqylaýda bolady.
Eske salsaq, sońǵy sózinde Iliias Sariev kóz jasyn tyia almai, ózine taǵylǵan aiyptardy joqqa shyǵaryp, sottan tolyq aqtaýdy suraǵan. Al Aqtoty Dúiseeva óz kinásin moiyndap, jazany keiinge qaldyrý men amnistiia qoldanýdy ótingen.
