الماتىدا «ەلگە كٶمەك» قورىنىڭ باسشىسى, «قازاقتىڭ روبين گۋدى» اتانعان تانىمال ازامات ٸليياس ساريەۆكە ٷكٸم شىقتى, دەپ حابارلايدى Dalanews.kz
الماتىنىڭ المالى اۋداندىق سوتى بلوگەر ٸليياس ساريەۆتٸ بٸرنەشە رەت الاياقتىق جاسادى دەپ تانىپ, ونى 3 جىل 8 اي مەرزٸمگە باس بوستاندىعىنان ايىردى. "قازاق روبين گۋدى" جازاسىن ورتا قاۋٸپسٸزدٸك دەڭگەيٸندەگٸ كولونييادا ٶتەيدٸ.
باستاپقى ٷكٸم بويىنشا ساريەۆ 4 جىل 8 ايعا سوتتالعان ەدٸ. الايدا امنيستييا قولدانىلۋىنا بايلانىستى جازا 3 جىل 8 ايعا دەيٸن قىسقارتىلدى. سوت 20 ەپيزود بويىنشا ونى اقتاپ, 6 ەپيزود بويىنشا كٸنەلٸ دەپ تانىدى.
سۋديا ەرنار قاسىمباەۆ ٷكٸمدٸ تٷسٸندٸرە وتىرىپ:
«امنيستييا اياسىندا سوت 3 جىل 8 ايدان جوعارى جازا تاعايىنداي المايدى. بۇل - زاڭدا بەكٸتٸلگەن ەڭ جوعارعى شەك. سوندىقتان مۇنى سوتتىڭ گۋمانيزم كٶرسەتٸپ, جازانى تىم جەڭٸلدەتۋٸ دەپ تٷسٸنۋدٸڭ قاجەتٸ جوق», - دەدٸ.
ەكٸنشٸ سوتتالۋشى - اقتوتى دٷيسەەۆاعا قاتىستى سوت قىلمىستىق كودەكستٸڭ 74-بابىن قولداندى. بۇل باپ كەمەلەتكە تولماعان بالالارى بار ەيەلدەر ٷشٸن جازانى كەيٸنگە قالدىرۋ مٷمكٸندٸگٸن قاراستىرادى.
دٷيسەەۆا باستاپقىدا 4 جىل 6 ايعا باس بوستاندىعىنان ايىرىلعان بولاتىن. امنيستييا ەسەبٸنەن ونىڭ جازاسى ورتا قاۋٸپسٸزدٸك كولونيياسىندا ٶتەۋ ٷشٸن 3 جىلعا قىسقارتىلدى. الايدا جازا 2028 جىلعا دەيٸن - ونىڭ بالاسى 14 جاسقا تولعانعا دەيٸن - كەيٸنگە قالدىرىلدى. وسى ۋاقىت ارالىعىندا ول پروباتسييالىق باقىلاۋدا بولادى.
ەسكە سالساق, سوڭعى سٶزٸندە ٸليياس ساريەۆ كٶز جاسىن تىيا الماي, ٶزٸنە تاعىلعان ايىپتاردى جوققا شىعارىپ, سوتتان تولىق اقتاۋدى سۇراعان. ال اقتوتى دٷيسەەۆا ٶز كٸنەسٸن مويىنداپ, جازانى كەيٸنگە قالدىرۋ مەن امنيستييا قولدانۋدى ٶتٸنگەن.
