Sharda jańa mektep ashyldy
Bilim oshaǵynyń ashylý rásimine Jarma aýdanynyń ákimi N.B.Sydyqov, mektep túlekteri, ata-analar, jurtshylyq ókilderi qatysty. Aýdan basshysy óziniń quttyqtaý sózinde atap ótkenindei, Táýelsizdik jyldarynda tek Jarma aýdanynda ǵana 5 mektep, 3 mektepke deiingi bilim berý mekemesi salynǵan. Munyń bári Prezidenttiń óskeleń urpaqqa, el keleshegine degen qamqorlyǵynyń aiǵaǵy bolyp tabylady.
Kelesi kezekte QR Parlamenti Májilisiniń depýtaty N.S.Sabilianovtyń quttyqtaýy oqyldy. Sondai-aq, mektep aty berilgen Barian Tursynovtyń inisi Sultan Tórehanov, bilim berý isiniń ardageri Sara Sembaeva, eńbek ardageri, Jarma aýdanynyń «Qurmetti azamaty» Aǵaisha Sadyǵanovalar óz quttyqtaýlaryn joldady.
Merdigerlik uiymnyń basshysy A.Musahanov mektep direktory G.Búiimbaevaǵa simvoldyq kiltti tabys etti.
Lenta qiiý qurmeti aýdan ákimi N.B.Sydyqovqa, bilim berý isiniń ardageri R.Qalievaǵa, B.Tursynovtyń týystary atynan merekeniń qonaǵy Tileýbergen Álimjanulyna berildi. Budan soń qonaqtar mekteptiń jańa ǵimaratynyń ishin aralap kórdi.
Saltanatty shara jańa mekteptiń májilis zalynda ótken Tursynov atyndaǵy orta mektep oqýshylarynyń kontsertimen aiaqtaldy.
