شاردا جاڭا مەكتەپ اشىلدى
بٸلٸم وشاعىنىڭ اشىلۋ رەسٸمٸنە جارما اۋدانىنىڭ ەكٸمٸ ن.ب.سىدىقوۆ, مەكتەپ تٷلەكتەرٸ, اتا-انالار, جۇرتشىلىق ٶكٸلدەرٸ قاتىستى. اۋدان باسشىسى ٶزٸنٸڭ قۇتتىقتاۋ سٶزٸندە اتاپ ٶتكەنٸندەي, تەۋەلسٸزدٸك جىلدارىندا تەك جارما اۋدانىندا عانا 5 مەكتەپ, 3 مەكتەپكە دەيٸنگٸ بٸلٸم بەرۋ مەكەمەسٸ سالىنعان. مۇنىڭ بەرٸ پرەزيدەنتتٸڭ ٶسكەلەڭ ۇرپاققا, ەل كەلەشەگٸنە دەگەن قامقورلىعىنىڭ ايعاعى بولىپ تابىلادى.
كەلەسٸ كەزەكتە قر پارلامەنتٸ مەجٸلٸسٸنٸڭ دەپۋتاتى ن.س.سابيليانوۆتىڭ قۇتتىقتاۋى وقىلدى. سونداي-اق, مەكتەپ اتى بەرٸلگەن باريان تۇرسىنوۆتىڭ ٸنٸسٸ سۇلتان تٶرەحانوۆ, بٸلٸم بەرۋ ٸسٸنٸڭ ارداگەرٸ سارا سەمباەۆا, ەڭبەك ارداگەرٸ, جارما اۋدانىنىڭ «قۇرمەتتٸ ازاماتى» اعايشا سادىعانوۆالار ٶز قۇتتىقتاۋلارىن جولدادى.
مەردٸگەرلٸك ۇيىمنىڭ باسشىسى ا.مۇساحانوۆ مەكتەپ ديرەكتورى گ.بٷيٸمباەۆاعا سيمۆولدىق كٸلتتٸ تابىس ەتتٸ.
لەنتا قييۋ قۇرمەتٸ اۋدان ەكٸمٸ ن.ب.سىدىقوۆقا, بٸلٸم بەرۋ ٸسٸنٸڭ ارداگەرٸ ر.قاليەۆاعا, ب.تۇرسىنوۆتىڭ تۋىستارى اتىنان مەرەكەنٸڭ قوناعى تٸلەۋبەرگەن ەلٸمجانۇلىنا بەرٸلدٸ. بۇدان سوڭ قوناقتار مەكتەپتٸڭ جاڭا عيماراتىنىڭ ٸشٸن ارالاپ كٶردٸ.
سالتاناتتى شارا جاڭا مەكتەپتٸڭ مەجٸلٸس زالىندا ٶتكەن تۇرسىنوۆ اتىنداعى ورتا مەكتەپ وقۋشىلارىنىڭ كونتسەرتٸمەن اياقتالدى.
