Túrkistan oblysynyń ákimi Nuralhan Kósherov uzaqtyǵy nebári jeti minýt bolatyn tarihi rolikke 100 million teńge jumsaýǵa qatysty kelisimsharttyń zańdylyǵyn tekserýdi tapsyrdy, dep habarlaidy Dalanews.kz.
Bul týraly zańger Lázzat Asanova habarlady.
Túrkistan oblysy ákimi apparaty bul aqparatty resmi túrde rastady. Habarlamada óńir basshysynyń tapsyrmasy boiynsha túsirilimge qatysty barlyq qujattar men rásimderge jan-jaqty reviziia júrgiziletini aitylǵan.
«Oblys ákimi Nýralhan Kósherov atalǵan kelisimsharttyń jasalýyna bailanysty qajetti rásimderdiń saqtalýyn jáne biýdjet qarajatynyń maqsatty jumsalýyn tekserýdi tapsyrdy», – delingen ákimdik málimdemesinde.
Eske salaiyq, Túrkistan oblysy mádeniet basqarmasyna qarasty “Uly Dala Eli” memlekettik kommýnaldyq qazynalyq kásiporny memleket qarajaty esebinen “G7 Exlusive” JShS-ne tarihi beinerolik jasaýǵa tapsyrys bergen. Kelisimshart memlekettik satyp alý portalynda jariialanǵan.
Videoroliktiń uzaqtyǵy nebári 3–7 minýtty quraidy. Al jobanyń quny – 100,8 million teńge.
