Qazaqstannyń Ferro-Alloy Resources (FAR) kompaniiasy amerikalyq Maglut Heavy Industries kompaniiasymen Qyzylorda oblysyndaǵy Balasaýsqandyq ken ornynan alynatyn sirek jer metaldarynyń kontsentratyn jetkizý múmkindigin zertteý týraly kelisim jasady, dep habarlaidy dalanews.kz.
Joba bastapqyda vanadii óndirýge baǵyttalǵan bolatyn. Alaida ken quramynan sirek jer metaldarynyń 16 túri anyqtalǵandyqtan, olardy da bólip alyp, eksportqa shyǵarý máselesi qarastyrylyp jatyr.
Synaq barysynda ittrii, neodim, prazeodim, disprozii jáne terbii boiynsha tazalyǵy 99%-dan asatyn ónim alynǵan. Bir kezeńdegi ortasha metall alý kórsetkishi 91,4%-dy qurady.
Eger tehnologiia ónerkásiptik deńgeide engizilse, Qazaqstan aldaǵy bes jyl boiy amerikalyq tarapqa jyl saiyn 1 myń tonnaǵa deiin sirek jer metaldarynyń kontsentratyn jetkize alady. Budan bólek, qýaty jylyna 100 tonnaǵa deiin jetetin taǵy bir joba qarastyrylyp jatyr.
Sarapshylardyń nazaryn ásirese ittrii metaly aýdaryp otyr. Buǵan deiin FAR kompaniiasy ken oryndarynyń birindegi ittrii qorynyń boljamdy qunyn shamamen 3,6 mlrd dollar dep baǵalaǵan.
Degenmen bul soma Qazaqstan dál osynsha tabys tabady degendi bildirmeidi. Áńgime jer qoinaýyndaǵy metaldyń aldyn ala eseptelgen quny týraly bolyp otyr. Odan keiin ken óndirý, óńdeý shyǵyndary men óndiristik shyǵyndar shegeriledi.
Qazirgi ýaqytta ken ornyndaǵy qorlardy SRK Consulting kompaniiasy qaita baǵalap jatyr. Jańalyq jariialanǵannan keiin FAR aktsiialary shamamen 35%-ǵa qymbattady.
