قازاقستاننىڭ Ferro-Alloy Resources (FAR) كومپانيياسى امەريكالىق Maglut Heavy Industries كومپانيياسىمەن قىزىلوردا وبلىسىنداعى بالاساۋسقاندىق كەن ورنىنان الىناتىن سيرەك جەر مەتالدارىنىڭ كونتسەنتراتىن جەتكٸزۋ مٷمكٸندٸگٸن زەرتتەۋ تۋرالى كەلٸسٸم جاسادى, دەپ حابارلايدى dalanews.kz.
جوبا باستاپقىدا ۆاناديي ٶندٸرۋگە باعىتتالعان بولاتىن. الايدا كەن قۇرامىنان سيرەك جەر مەتالدارىنىڭ 16 تٷرٸ انىقتالعاندىقتان, ولاردى دا بٶلٸپ الىپ, ەكسپورتقا شىعارۋ مەسەلەسٸ قاراستىرىلىپ جاتىر.
سىناق بارىسىندا يتتريي, نەوديم, پرازەوديم, ديسپروزيي جەنە تەربيي بويىنشا تازالىعى 99%-دان اساتىن ٶنٸم الىنعان. بٸر كەزەڭدەگٸ ورتاشا مەتالل الۋ كٶرسەتكٸشٸ 91,4%-دى قۇرادى.
ەگەر تەحنولوگييا ٶنەركەسٸپتٸك دەڭگەيدە ەنگٸزٸلسە, قازاقستان الداعى بەس جىل بويى امەريكالىق تاراپقا جىل سايىن 1 مىڭ تونناعا دەيٸن سيرەك جەر مەتالدارىنىڭ كونتسەنتراتىن جەتكٸزە الادى. بۇدان بٶلەك, قۋاتى جىلىنا 100 تونناعا دەيٸن جەتەتٸن تاعى بٸر جوبا قاراستىرىلىپ جاتىر.
ساراپشىلاردىڭ نازارىن ەسٸرەسە يتتريي مەتالى اۋدارىپ وتىر. بۇعان دەيٸن FAR كومپانيياسى كەن ورىندارىنىڭ بٸرٸندەگٸ يتتريي قورىنىڭ بولجامدى قۇنىن شامامەن 3,6 ملرد دوللار دەپ باعالاعان.
دەگەنمەن بۇل سوما قازاقستان دەل وسىنشا تابىس تابادى دەگەندٸ بٸلدٸرمەيدٸ. ەڭگٸمە جەر قويناۋىنداعى مەتالدىڭ الدىن الا ەسەپتەلگەن قۇنى تۋرالى بولىپ وتىر. ودان كەيٸن كەن ٶندٸرۋ, ٶڭدەۋ شىعىندارى مەن ٶندٸرٸستٸك شىعىندار شەگەرٸلەدٸ.
قازٸرگٸ ۋاقىتتا كەن ورنىنداعى قورلاردى SRK Consulting كومپانيياسى قايتا باعالاپ جاتىر. جاڭالىق جارييالانعاننان كەيٸن FAR اكتسييالارى شامامەن 35%-عا قىمباتتادى.
