Aqtóbe oblysynda Kazenergy jeke kásipkerliginiń basshysy zańsyz kásipkerlikpen ainalysqany jáne qylmystyq jolmen kelgen aqshany zańdastyrǵany úshin 3 jyl 9 aiǵa bas bostandyǵynan aiyryldy, dep habarlaidy dalanews.kz.
Tergeý deregine sáikes sottalǵan adam aýmaǵy 10 myń sharshy metr óndiristik bazada qaýipti qaldyqtardy zańsyz óńdeý jáne pesh otynyn óndirý isin uiymdastyrǵan.
Shikizat retinde paidalanylǵan mailar, munai shlamdary jáne quramynda munai bar ózge de qaldyqtar qoldanylǵan. Olar naftamen aralastyrylyp, ainalym ádisimen óńdelgen. Alaida kásipkerge qaýipti qaldyqtardy óńdeýge, zalalsyzdandyrýǵa jáne kádege jaratýǵa qajet litsenziia men ekologiialyq ruqsat berilmegen.
Nátijesinde 11 million litrden asa pesh otyny satylyp, qylmystyq jolmen 778 million teńge tabys túsken. Sonymen qatar, sot onyń múlkin, sonyń ishinde óndiristik nysanyn, kólikterin jáne bank shottaryndaǵy aqshasyn tárkiledi.
Sot úkimi zańdy kúshine engen joq.
QMA málimetinshe, óndirilgen pesh otyny ulttyq sapa standarttaryna sai kelmegen ári quramynda ziian himiialyq zattar bolǵan. Mundai otyndy turmystyq jáne ónerkásiptik qazandyqtar men peshterde jaǵý kezinde aýaǵa ýly zattar taraýy yqtimal.
