Astanada áieldi óltirdi degen kúdikpen er adam ustaldy, dep habarlaidy dalanews.kz.
23 qyrkúiekte saǵat 20:00 shamasynda politsiiaǵa áielge shabýyl jasalǵany týraly habarlama túsken. Oqiǵa ornyna politsiia qyzmetkerleri jedel jetken.
"Áielge pyshaq jaraqatyn onyń burynǵy kúieýi salǵan. Alǵan jaraqattary saldarynan áiel adam oqiǵa ornynda kóz jumdy. Kúdikti jedel túrde ustalyp, ýaqytsha ustaý izoliatoryna qamaldy. Adam óltirý deregi boiynsha qylmystyq is qozǵaldy. Qazir keshendi tergeý amaldary júrgizilip jatyr", - dedi politsiia.
Astana PD ókilderi tarap jatqan aqparatqa bailanysty kúdikti politsiia qyzmetkeri emes ekenin málimdedi.
Tergeý barysy Astana qalasy Politsiia departamenti basshylyǵynyń erekshe baqylaýynda.
