Shymkentte Nurai Serikbaidyń ólimine bailanysty sottalǵan Sherhan Aimahanǵa qatysty úkim zańdy kúshine endi, dep habarlaidy dalanews.kz.
Shymkent qalalyq sotynyń qylmystyq ister jónindegi sot alqasy Sherhan Aimahanǵa qatysty qylmystyq isti apelliatsiialyq tártipte qarady.
Birinshi satydaǵy sot úkimimen Sherhan Aimahan kináli dep tanyp, oǵan qylmystar jiyntyǵy boiynsha túpkilikti ómir boiyna bas bostandyǵynan aiyrý jazasy taǵaiyndalǵan edi. Jábirlenýshiń talap aryzy ishinara qanaǵattandyrylyp, sottalǵannan onyń paidasyna moraldyq ziian retinde 25 mln teńge jáne advokattyń qyzmeti úshin 5 mln teńge óndirilgen bolatyn.
"Úkimmen kelispegen jábirlenýshiniń jáne sottalǵannyń advokattary apelliatsiialyq tártippen shaǵym túsirdi. Jábirlenýshi tarap óz shaǵymynda moraldyq ziiandy 25 mln teńgeden 10 mlrd teńgege deiin ulǵaitýdy suraǵan. Sottalǵannyń advokattary óz shaǵymdarynda úkimdi ózgertip, Sherhan Aimahandy QK-niń 125-1-baby 1-bóligi boiynsha (stalking) aqtaýdy, QK-niń 99-babynyń 1-bóligi boiynsha (adam óltirý) kináli dep tanyp, oǵan ádil jaza taǵaiyndaýdy suraǵan. Prokýror úkimdi ózgerissiz, apelliatsiialyq shaǵymdardy qanaǵattandyrýsyz qaldyrýdy surady", - dep jazylǵan habarlamada.
Alqa isti qarap, birinshi satydaǵy sottyń tujyrymdarymen kelisti. 24 qyrkúiektegi qaýly boiynsha úkim ózgerissiz qaldy. Sot aktisi zańdy kúshine endi.
