Qazaqstan sońǵy jeti jylda tsifrlyq transformatsiianyń jańa kezeńine ótip, elektrondyq memlekettik qyzmetterdi damytýmen qatar tehnologiialar men IT ónimderin eksporttaýǵa baǵyt aldy, dep habarlaidy dalanews.kz.
2019–2026 jyldar aralyǵynda eldiń tsifrlyq damý kórsetkishterinde aitarlyqtai ózgerister bolǵan.
Qazaqstan BUU-nyń elektrondyq úkimetti damytý kórsetkishinde 193 eldiń ishinde 39-orynnan 24-orynǵa kóterilip, 15 satyǵa ilgeriledi.
Osy kezeńde ǵaryshtyq tehnologiialar eksporty da qalyptasty. Eger 2019 jyly bul kórsetkish nólge teń bolsa, qazir eksport kólemi 70 mln dollarǵa jetken.
IT salasyndaǵy eksport 38 esege ósip, 30 mln dollardan 1,142 mlrd dollarǵa deiin artty. Onyń ishinde Astana Hub kompaniialarynyń eksporty 633 mln dollardy qurady.
Internet infraqurylymynda da ósim baiqaldy. Halyqty internetpen qamtý deńgeii 84%-dan 98%-ǵa deiin artsa, ortasha internet jyldamdyǵy 21 Mbit/s-tan 88–94 Mbit/s-qa deiin ósti. Sonymen qatar elde besinshi býyn bailanysy – 5G engizilip jatyr.
Tsifrlyq memlekettik qyzmetterdiń úlesi 80%-dan 91%-ǵa deiin ósti. Qazir elektrondyq memlekettik qyzmetterdiń 96%-y smartfon arqyly qoljetimdi.
Qolma-qol aqshasyz tólemder kólemi de birneshe esege artqan. 2019 jyly bul kórsetkish 13,3 trln teńge bolsa, 2026 jyly 186,3 trln teńgege jetti.
Osylaisha, tsifrlandyrý memlekettik qyzmetterdi onlain formatqa kóshirýmen shektelmei, IT jáne ǵaryshtyq tehnologiialar eksportyn damytý baǵytynda jalǵasyp jatyr.
