قازاقستان سوڭعى جەتٸ جىلدا تسيفرلىق ترانسفورماتسييانىڭ جاڭا كەزەڭٸنە ٶتٸپ, ەلەكتروندىق مەملەكەتتٸك قىزمەتتەردٸ دامىتۋمەن قاتار تەحنولوگييالار مەن IT ٶنٸمدەرٸن ەكسپورتتاۋعا باعىت الدى, دەپ حابارلايدى dalanews.kz.
2019–2026 جىلدار ارالىعىندا ەلدٸڭ تسيفرلىق دامۋ كٶرسەتكٸشتەرٸندە ايتارلىقتاي ٶزگەرٸستەر بولعان.
قازاقستان بۇۇ-نىڭ ەلەكتروندىق ٷكٸمەتتٸ دامىتۋ كٶرسەتكٸشٸندە 193 ەلدٸڭ ٸشٸندە 39-ورىننان 24-ورىنعا كٶتەرٸلٸپ, 15 ساتىعا ٸلگەرٸلەدٸ.
وسى كەزەڭدە عارىشتىق تەحنولوگييالار ەكسپورتى دا قالىپتاستى. ەگەر 2019 جىلى بۇل كٶرسەتكٸش نٶلگە تەڭ بولسا, قازٸر ەكسپورت كٶلەمٸ 70 ملن دوللارعا جەتكەن.
IT سالاسىنداعى ەكسپورت 38 ەسەگە ٶسٸپ, 30 ملن دوللاردان 1,142 ملرد دوللارعا دەيٸن ارتتى. ونىڭ ٸشٸندە Astana Hub كومپانييالارىنىڭ ەكسپورتى 633 ملن دوللاردى قۇرادى.
ينتەرنەت ينفراقۇرىلىمىندا دا ٶسٸم بايقالدى. حالىقتى ينتەرنەتپەن قامتۋ دەڭگەيٸ 84%-دان 98%-عا دەيٸن ارتسا, ورتاشا ينتەرنەت جىلدامدىعى 21 مبيت/س-تان 88–94 مبيت/س-قا دەيٸن ٶستٸ. سونىمەن قاتار ەلدە بەسٸنشٸ بۋىن بايلانىسى – 5G ەنگٸزٸلٸپ جاتىر.
تسيفرلىق مەملەكەتتٸك قىزمەتتەردٸڭ ٷلەسٸ 80%-دان 91%-عا دەيٸن ٶستٸ. قازٸر ەلەكتروندىق مەملەكەتتٸك قىزمەتتەردٸڭ 96%-ى سمارتفون ارقىلى قولجەتٸمدٸ.
قولما-قول اقشاسىز تٶلەمدەر كٶلەمٸ دە بٸرنەشە ەسەگە ارتقان. 2019 جىلى بۇل كٶرسەتكٸش 13,3 ترلن تەڭگە بولسا, 2026 جىلى 186,3 ترلن تەڭگەگە جەتتٸ.
وسىلايشا, تسيفرلاندىرۋ مەملەكەتتٸك قىزمەتتەردٸ ونلاين فورماتقا كٶشٸرۋمەن شەكتەلمەي, IT جەنە عارىشتىق تەحنولوگييالار ەكسپورتىن دامىتۋ باعىتىندا جالعاسىپ جاتىر.
