Mańǵystaýda lift shahtasyna qulap kóz jumǵan jumysshynyń qazasyn qurylys kompaniiasy jasyryp qalmaq bolǵan, dep habarlaidy Dalanews.kz.
Mańǵystaý oblysyndaǵy qurylys nysanynda 2005 jyly týǵan jumysshy qaitys boldy. Óńirlik eńbek inspektsiiasy departamentiniń málimetinshe, ol altynshy qabattan ashyq turǵan lift shahtasyna qulap ketken.
Qaiǵyly jaǵdai 4 qarashada bolǵan. Alaida onyń jaiy tek qazir belgili bolyp otyr. Qurylys kompaniiasy oqiǵany jasyrmaq bolǵan. Inspektsiia bul aqparatty quqyq qorǵaý organdarynan alǵan.
Aldyn ala derekter boiynsha, jumysshy kranmen kóterilgen qum salynǵan ydysty qabyldap alǵannan keiin qaýipsiz jerge sheginbek bolǵan. Alaida tepe-teńdigin joǵaltyp, shahtaǵa qulap ketken. Ol alǵan aýyr jaraqattarynyń saldarynan oqiǵa ornynda kóz jumdy.
Departament qaiǵyly jaǵdaidyń sebepterin anyqtaý jáne tehnika qaýipsizdiginiń saqtalýyn tekserý úshin arnaiy komissiia qurǵan.
