4 jeltoqsan kúngi KASE kúndizgi saýdasynda dollar baǵamy 499,65 teńgege deiin tómendedi, iaǵni 500 teńge deńgeiinen asty. Resei rýbli men qytai iýani de arzandady. Valiýta aiyrbastaý oryndarynda dollardy 501–504 teńge aralyǵynda satady, dep habarlaidy Dalanews.kz.
Ulttyq bank málimdeme jasap, teńgeniń qazan aiynan beri turaqty túrde nyǵaiyp kele jatqanyn rastady, shamamen 9%-ǵa, dollar baǵamy 499–500 teńge.
Ulttyq bank teńgeniń nyǵaiýyn birneshe faktormen túsindirdi:
-
dúniejúzilik munai baǵasynyń joǵary bolýy (60 dollardan joǵary);
-
álemde dollardyń álsireýi;
-
sheteldik investorlardyń damýshy elder naryqtaryna, sonyń ishinde Qazaqstanǵa qyzyǵýshylyǵynyń artýy;
-
qatań aqsha-kredit saiasaty jáne infliatsiiany tómendetý jumysy;
-
portfeldik investitsiialardyń kelýi: qazan–qarasha ailarynda rezident emester Qazaqstannyń memlekettik qazyna obligatsiialaryna 1,1 mlrd dollar investitsiia saldy, jalpy kólem tarihi maksimýmǵa - 3,6 mlrd dollarǵa jetti.
Ulttyq bank teńgeniń nyǵaiýy baǵanyń ósýin tejeitinin atap ótti, naryqtaǵy jaǵdai turaqty ekenin habarlady. Bank aralasýǵa esh sebep joq deidi.
Sońǵy 1–2 jylda Qazaqstan valiýtalyq naryǵynda kúrdeli jáne erekshe jaǵdai qalyptasty. Qazaqstan Ulttyq Banki teńgeniń turaqtylyǵyn saqtaý maqsatynda belsendi interventsiialar júrgizýin doǵarar emes. Sonymen birge, naryqta Resei rýbli qolma-qol túrinde kóptep ainalymǵa túsip, valiýta aǵymynda disbalans qalyptasty, deidi mamandar.
Qarjy sarapshysy Jalǵasbek Aqbolat Dalanews.kz aqparat agenttigine valiýta naryǵyndaǵy kúrdeli jaǵdaiǵa qatysty pikir bildirgen bolatyn.
