Seismologtar Almatyda alda jer silkinisi bolyp-bolmaitynyn aitty, dep habarlaidy Dalanews.kz.
Seismologiialyq baiqaý jáne zertteýler ulttyq ǵylymi ortalyǵy direktorynyń ǵylym jónindegi orynbasary Erik Álipulynyń sózinshe, 4 jeltoqsanda saǵat 12:44-te Qytai aýmaǵynda jer silkinisi tirkelgen.
"Qalyptasqan seismikalyq jaǵdaidy taldai kele, saǵat 15:00-de Almaty boljaý poligonynda seismikalyq jaǵdai turaqty. Almaty boljam poligony aýmaǵynda seismikalyq shkala boiynsha qatty jer silkinisteri kútilmeidi", - dedi ol.
Aita keteiik, zilzala oshaǵy Almatydan ońtústik-shyǵysqa qarai 277 shaqyrym qashyqta, Qytai aýmaǵynda ornalasqan.
"Magnitýdasy MPV - 6.7, tereńdigi 5 - shaqyrym. Almatyda dúmpýler MSK-64 shkalasy boiynsha 3 ball deńgeiinde sezildi", - dep jazylǵan habarlamada.
