– Eger antıdeneler sany belgili bir tıtr mólsherinen asyp ketse, onda vaksına alýǵa bolmaıdy. Al antıdeneler sany az bolsa vaksına qajet, áıtpese aýyryp qalýyńyz múmkin. Ár aǵzanyń derbes jáne antıdenelerdiń joıylý jyldamdyǵy ár túrli ekenin túsiný kerek, – dedi D. Ýkıeva.
Epıdemıolog vaksınanyń qalaı ótetinin túsindirdi: azamat ekpe pýnktine keledi, kelisimge qol qoıady, terapevten medısınalyq tekserýden ótedi jáne osydan keıin ǵana deltoıdty bulshyqetke vaksınanyń birinshi dozasyn alady. Sodan keıin beıdj berilip kútý aımaǵyna jiberiledi, onda otyz mınýt mamandardyń baqylaýynda bolady. Vaksınadan keıin naýqastardyń densaýlyǵy suralady.
Danara Ýkıevanyń aıtýynsha, vaksınany 18 jasqa deıingi adamdar, júkti áıelder, emizetin áıelder, sondaı-aq alergıalyq reaksıalar men sozylmaly aýrýlary bar adamdardan basqalar alýǵa tıis.
Búginde Almatyda qala turǵyndarynyń vaksına alý naýqany júrip jatyr. Almatylyqtarǵa yńǵaıly bolý úshin qalada 211 ekpe pýnkti jumys isteıdi. Olar emhana, saýda ortalyqtary, bazar, mektep, mádenıet nysandarynda ornalasqan jáne kún saıyn demalyssyz tańǵy 8-den keshki 8-ge deıin jumys isteıdi.
Mysaly, Qazaqstannyń Eńbek sińirgen qaıratkeri ári ánshi Muqasan Shahzadaev bylaı deıdi: «Máselen, Izraıl elin alaıyq, halyqtyń 95%-y vaksına aldy. Búginde halyq betperdesiz júr. Nege biz olardan úlgi almaımyz. Qazir adamdar sharshaǵa. Eger bárimiz vaksına alsaq, bul kúnder de artta qalar» dedi.
