Joǵaryda aitylǵan páterler kezekke sáikes bólinedi. Áleýmettik jeńildikti turǵyn úi áleýmettik osal sanattarǵa arnalǵan. Olardyń qatarynda erekshe qajettilikteri bar balalardy tárbielep otyrǵan analar, jetim balalar, tolyq emes otbasylar, kópbalaly otbasylar, múgedekter, zeinetkerler, UOS qatysýshylar bar.
Al áleýmettik páterler kezekte turǵan Otbasy bankiniń (Turǵyn úi qurylys jinaq banki) salymshylaryna arnalǵan. Sondai-aq, ákimdik jastar, erekshe qajettilikteri bar balalardy tárbielep otyrǵan otbasylar, kópbalaly jáne basqa da sanattar úshin daiyn páterlerdi satyp alady.
Muqtaj jandarǵa páter kiltteri jyl boiy beriledi. Mysaly, 2018 jyly 1800 áleýmettik páter, 2019 jyly 2900 áleýmettik páter salynsa, 2020 jyly 7 myń jeńildikti páter qoldanysqa berildi.
Muqtaj otbasylar kezekti úi kiltin biyl shilde aiynda alady. Mysaly, áleýmettik qoljetimdi turǵyn úi qurylysy qalanyń barlyq aýdanynda júrgizilýde. Aitalyq, Otaý, Jaǵalaý shaǵyn aýdanynda, Prigorodnyi turǵyn alabynda, Sh.Qudaiberdiuly, R.Qoshqarbaev kóshelerinde, jańa vokzal aýdanynda úiler qarqyndy salynýda.
Sonymen qatar, biyl Elbasynyń bastamasymen qolǵa alynǵan «Jumys isteitin jastarǵa jalǵa beriletin turǵyn úi» baǵdarlamasy da jalǵasatyn bolady.
Osy baǵdarlama aiasynda jyl sońyna deiin taǵy bir myńnan astam jas baspanaly bolady. Osy myń páterden bólek, biyl jyl basynda 350 jas baspanaly boldy. Sonymen qatar 2021 jyly jastar úshin arnaiy turǵyn úi baǵdarlamasy (áleýmettik kreditteý) iske qosylady.
Sondai-aq, qazaqstandyq turǵyn úi kompaniiasy (QIK) jelisi boiynsha turǵyn úi baǵdarlamasyna qatysýshylardyń sanaty keńeitildi. Endi bul baǵdarlamaǵa meditsina qyzmetkerleri, pedagogtar, áleýmettik qyzmetkerler, órt sóndirýshiler, tártip saqshylary, mádeniet jáne sport qairatkerleri qatysa alady.
Budan basqa, turǵyn úi sertifikattarynyń somasy 1-den 1,5 mln teńgege deiin ulǵaityldy. Al turǵyn úi sertifikatyn alýshylardyń sanaty keńeitildi.
Taǵy bir mańyzdy pýnkt qaýipti kóppáterli turǵyn úi keshenderin jóndeý, eski jáne avariialyq turǵyn úilerdi buzý, kópqabatty turǵyn úilerdiń qurylysyn aiaqtaý bolyp sanalady. Máselen, ótken jyly elordada 50-den astam kóppáterli turǵyn úi kesheni jóndeldi. Sońǵy eki jylda apatty jaǵdaidaǵy eski úilerden 400-den astam otbasy kóshirildi. Biyl taǵy da 200-den astam otbasyn kóshirý jáne olar úshin jaily, al eń bastysy ómir súrý úshin qaýipsiz jaǵdai jasaý josparlanyp otyr.
Sondai-aq, úlestik qurylys nysandaryn aiaqtaý jumystary júrgizilýde. Bir jarym jyl ishinde (2019 jyldyń jazynan 2020 jyldyń sońyna deiin) uzaq qurylys sany eki eseden astam azaidy. Biyl 50-den astam kóppáterli turǵyn úilerdiń qurylysyn aiaqtaý josparlanýda. Kópten kútken páter kiltin taǵy 7 myń úlesker alady.
Elordalyqtardyń turǵyn úi máselesin jaqsartý qala ákimdigi qyzmetiniń mańyzdy baǵyttarynyń biri bolyp sanalady.
