جوعارىدا ايتىلعان پاتەرلەر كەزەككە سايكەس بولىنەدى. الەۋمەتتىك جەڭىلدىكتى تۇرعىن ءۇي الەۋمەتتىك وسال ساناتتارعا ارنالعان. ولاردىڭ قاتارىندا ەرەكشە قاجەتتىلىكتەرى بار بالالاردى تاربيەلەپ وتىرعان انالار، جەتىم بالالار، تولىق ەمەس وتباسىلار، كوپبالالى وتباسىلار، مۇگەدەكتەر، زەينەتكەرلەر، ۇوس قاتىسۋشىلار بار.
ال الەۋمەتتىك پاتەرلەر كەزەكتە تۇرعان وتباسى بانكىنىڭ (تۇرعىن ءۇي قۇرىلىس جيناق بانكى) سالىمشىلارىنا ارنالعان. سونداي-اق، اكىمدىك جاستار، ەرەكشە قاجەتتىلىكتەرى بار بالالاردى تاربيەلەپ وتىرعان وتباسىلار، كوپبالالى جانە باسقا دا ساناتتار ءۇشىن دايىن پاتەرلەردى ساتىپ الادى.
مۇقتاج جاندارعا پاتەر كىلتتەرى جىل بويى بەرىلەدى. مىسالى، 2018 جىلى 1800 الەۋمەتتىك پاتەر، 2019 جىلى 2900 الەۋمەتتىك پاتەر سالىنسا، 2020 جىلى 7 مىڭ جەڭىلدىكتى پاتەر قولدانىسقا بەرىلدى.
ال بيىل مەملەكەت باسشىسىنىڭ تاپسىرماسى بويىنشا قولجەتىمدى تۇرعىن ءۇي سانى ارتىپ، 10 مىڭ الەۋمەتتىك پاتەر سالىنادى. تەك سوڭعى ءۇش جىلدىڭ ىشىندە الەۋمەتتىك پاتەرلەر سانى 5،5 ەسەدەن استام ارتاتىن بولادى.
مۇقتاج وتباسىلار كەزەكتى ءۇي كىلتىن بيىل شىلدە ايىندا الادى. مىسالى، الەۋمەتتىك قولجەتىمدى تۇرعىن ءۇي قۇرىلىسى قالانىڭ بارلىق اۋدانىندا جۇرگىزىلۋدە. ايتالىق، وتاۋ، جاعالاۋ شاعىن اۋدانىندا، پريگورودنىي تۇرعىن الابىندا، ش.قۇدايبەردى ۇلى، ر.قوشقاربايەۆ كوشەلەرىندە، جاڭا ۆوكزال اۋدانىندا ۇيلەر قارقىندى سالىنۋدا.
سونىمەن قاتار، بيىل ەلباسىنىڭ باستاماسىمەن قولعا الىنعان «جۇمىس ىستەيتىن جاستارعا جالعا بەرىلەتىن تۇرعىن ءۇي» باعدارلاماسى دا جالعاساتىن بولادى.
وسى باعدارلاما اياسىندا جىل سوڭىنا دەيىن تاعى ءبىر مىڭنان استام جاس باسپانالى بولادى. وسى مىڭ پاتەردەن بولەك، بيىل جىل باسىندا 350 جاس باسپانالى بولدى. سونىمەن قاتار 2021 جىلى جاستار ءۇشىن ارنايى تۇرعىن ءۇي باعدارلاماسى (الەۋمەتتىك كرەديتتەۋ) ىسكە قوسىلادى.
سونداي-اق، قازاقستاندىق تۇرعىن ءۇي كومپانياسى (قيك) جەلىسى بويىنشا تۇرعىن ءۇي باعدارلاماسىنا قاتىسۋشىلاردىڭ ساناتى كەڭەيتىلدى. ەندى بۇل باعدارلاماعا مەديسينا قىزمەتكەرلەرى، پەداگوگتار، الەۋمەتتىك قىزمەتكەرلەر، ءورت سوندىرۋشىلەر، ءتارتىپ ساقشىلارى، مادەنيەت جانە سپورت قايراتكەرلەرى قاتىسا الادى.
بۇدان باسقا، تۇرعىن ءۇي سەرتيفيكاتتارىنىڭ سوماسى 1-دەن 1،5 ملن تەڭگەگە دەيىن ۇلعايتىلدى. ال تۇرعىن ءۇي سەرتيفيكاتىن الۋشىلاردىڭ ساناتى كەڭەيتىلدى.
تاعى ءبىر ماڭىزدى پۋنكت ءقاۋىپتى كوپپاتەرلى تۇرعىن ءۇي كەشەندەرىن جوندەۋ، ەسكى جانە اۆاريالىق تۇرعىن ۇيلەردى بۇزۋ، كوپقاباتتى تۇرعىن ۇيلەردىڭ قۇرىلىسىن اياقتاۋ بولىپ سانالادى. ماسەلەن، وتكەن جىلى ەلوردادا 50-دەن استام كوپپاتەرلى تۇرعىن ءۇي كەشەنى جوندەلدى. سوڭعى ەكى جىلدا اپاتتى جاعدايداعى ەسكى ۇيلەردەن 400-دەن استام وتباسى كوشىرىلدى. بيىل تاعى دا 200-دەن استام وتباسىن كوشىرۋ جانە ولار ءۇشىن جايلى، ال ەڭ باستىسى ءومىر ءسۇرۋ ءۇشىن ءقاۋىپسىز جاعداي جاساۋ جوسپارلانىپ وتىر.
سونداي-اق، ۇلەستىك قۇرىلىس نىساندارىن اياقتاۋ جۇمىستارى جۇرگىزىلۋدە. ءبىر جارىم جىل ىشىندە (2019 جىلدىڭ جازىنان 2020 جىلدىڭ سوڭىنا دەيىن) ۇزاق قۇرىلىس سانى ەكى ەسەدەن استام ازايدى. بيىل 50-دەن استام كوپپاتەرلى تۇرعىن ۇيلەردىڭ قۇرىلىسىن اياقتاۋ جوسپارلانۋدا. كوپتەن كۇتكەن پاتەر كىلتىن تاعى 7 مىڭ ۇلەسكەر الادى.
ەلوردالىقتاردىڭ تۇرعىن ءۇي ماسەلەسىن جاقسارتۋ قالا اكىمدىگى قىزمەتىنىڭ ماڭىزدى باعىتتارىنىڭ ءبىرى بولىپ سانالادى.
