Қазақша Qazaqsha قازاقشا Русский
DALA INSIDE-qa ótý
Dala 360 Politica Vox Populi Dala Finance Shartarap Bile júrińiz! Referendým
Bilim Suhbat Zań men Tártip Aimaq Jumysshy jyly Aityldy – oryndaldy Bas taqyryp Saraptama Dál qazir Taza Qazaqstan AES: Referendým
DalaNews visual
Freedom Inside '26

Investitsiia tartýda top bastaǵan Túrkistan oblysynda zaýattar salynyp, óndiris órkendeýde

Dalanews
Investitsiia tartýda top bastaǵan Túrkistan oblysynda zaýattar salynyp, óndiris órkendeýde
Búgin Astanada Ortalyq kommýnikatsiialar qyzmetiniń alańynda oblystyń áleýmettik-ekonomikalyq damýy týraly esep berý barysynda Túrkistan oblysynyń ákimi Darhan Satybaldy óńirinde investitsiia tartý, indýstriialandyrý jumystaryna basymdyq berilip otyrǵanyn aitty, – dep habarlaidy Dalanews.kz. 

– Biylǵy 10 ai qorytyndysymen oblystyń áleýmettik-ekonomikalyq damýynyń oń ósimi saqtaldy. Jalpy óńirlik ónim kólemi 3 trln teńgeden asty.

Al ónerkásip ónim kólemi esepti kezeńde 2%-ǵa artyp, jalpy 758 mlrd teńgeni qurady. Aimaqta zaýyttar salý, investitsiia tartý jumystaryna basymdyq berilgen. Sheteldik iri kompaniialarmen kelissózder turaqty ótip jatyr. Taiaý jyldary óńirde iri kásiporyndar jumysyn bastaidy. Sol baǵytta bar kúsh-jigerimizdi salamyz, – dedi Darhan Satybaldy.

[caption id="attachment_95719" align="aligncenter" width="800"]
 default[/caption]

«Qazatomónerkásip» UAK» AQ ýran óndirýshi kompaniialardyń suranysyna sáikes, Sozaq aýdanynda kúkirt qyshqylyn óndiretin zaýyt salý josparlaýda.

Jobanyń investitsiialyq quny 100 mlrd teńgeni quraidy. 250 jańa jumys ornyn ashylady. Búgingi tańda, zaýyt qurylysyna qajetti jer ýchaskesi bólindi. Kompaniia tarapynan tehnikalyq-ekonomikalyq negizdemesi ázirlenýde.

Óńirdiń ónerkásiptik áleýetin damytýǵa múmkindik beretin birneshe mańyzdy jobalardy iske asyrý josparlanyp otyr. Óńdeý ónerkásibinde jalpy quny 30,2 mlrd teńgeni quraityn 20 joba iske asyrylyp, 594 jumys orny ashylady dep kútilýde.


Búginde 384 jańa jumys ornymen jalpy quny 11 mlrd teńgeni quraityn 10 joba iske qosyldy. Bul baǵytta jumystar jalǵasady. Óńirde iri jobalardy iske asyrý esebinen ózindik kiristerdi aldaǵy 5 jylda qosymsha 100 mlrd teńgege kóbeitý kózdelýde. Sondai-aq óńdeý ónerkásibinde 20 jobany júzege asyrý josparlansa, búgingi tańda 10 joba iske qosyldy (11 mlrd teńge, 384 jumys orny).

Oblys ekonomikasyna tartylǵan investitsiia kólemi 1,4 esege artyp, 751 mlrd. teńgeden asty. Tikelei sheteldik investitsiialar kólemi 225,3 mln. AQSh dollaryn qurady. Jalpy quny 3,3 trln teńgeni quraityn 194 investitsiialyq jobalardyń pýly qalyptasty. Olar 2023-2026 jyldar aralyǵynda iske qosylyp, 16 467 jumys orny ashylady dep mejelengen. Biyl 51 investitsiialyq jobany iske asyrý josparlanyp, jyl basynan 39 joba iske qosyldy. 1230 jumys orny ashyldy.
Qazatomónerkásip túrkistan investitsiia Sozaq aýdany Darhan Satybaldy Indýstriialandyrý Madina Sádýaqasova

Oqi otyryńyz