Sol sebepti QR Tótenshe jaǵdai ministrligi elektromobilderdi qaýipsiz jaǵdaida qýattandyrýdyń ereje-talaptaryn qarastyrýda. Endi osyny Dalanews.kz aqparattyq agenttiginiń myńdaǵan oqyrmandaryna túsindire ketýdi jón sanap otyrmyz.
QR Tótenshe jaǵdailar ministrligi azamattardyń elektromobilder men olardy qýattandyrý stantsiialarynyń ornalasýy týraly kóptegen ótinishterin eskerip, bizdiń elde olarǵa qoiylatyn talaptardyń joqtyǵyna alańdaýda.
Búginde damyǵan elderde elektromobilderge qoiylatyn talaptar paida bolyp, keńinen qoldanysqa ie bolǵanyn bárimiz bilemiz. Bizde olardyń is-tájiribesin basshylyqqa alyp, bul baǵytta zaman talabyna sai ortaq tártipti qalyptastyrýdyń mańyzy zor. Óitkeni, elektromobilderdi qýattandyrý isi kezinde órt qaýipsizdigi qatań saqtalýy kerek.
Búginde bul máselege múddeli memlekettik organdar tarapynan erekshe nazar aýdarylýda. Óitkeni sońǵy ýaqyttary búkil álemdegidei bizdiń elimizde de elektromobilderge suranys artyp keledi.
Ishki ister ministrliginiń málimetine sáikes, aǵymdaǵy jyldyń 25 qyrkúiegindegi ahýal boiynsha el aýmaǵynda 6,5 myńnan astam elektromobildi turǵyndar kúndelikti paidalanýda.
Sońǵy ýaqyttary elimizde elektromobilderge qyzyǵýshylardyń sany kún saiyn artyp kele jatqanyn eskersek, aldaǵy ýaqytta elektr qýatymen júretin kólikterdiń sany elimizde eselep ósetini baiqaý qiyn emes. Al ony jóndeý, qýattandyrý kezinde qaýipsizdik erejelerin saqtaý óte mańyzdy talap bolmaq.
Ádette órt sóndirýshiler kún sýytqan sátte úi-úidi aralap, ot jaǵýdyń qaýipsizdigin saqtaýǵa qatysty jadynamalar taratyp, turǵyndardyń suraqtaryna jaýap beretinin bilemiz. Sol siiaqty aldaǵy ýaqytta tótenshe jaǵdai qyzmetkerleri kólik jóndeitin tehnikalyq ortalyqtardy aralap, elektromobilderdi jóndegen órt qaýipsizdigin saqtaý máselesin túsindirýi mańyzdy. Al bul úshin arnaiy ereje men talaptar kerek.
Bul rette elektromobilderge ornatylǵan batareialar elektr qýatyn jii qýattanydrýdy qajet etedi. Búgingi tańda elimizde turǵyn jáne qoǵamdyq ǵimarattardyń avtoturaqtary men parkingterinde qaýattandyrý stantsiialarynyń belsendi ornatylyp jatqany baiqaýǵa bolady.
Al olardyń órt qaýipsizdigin saqtap ornatylyp jatqanyn kópshilik bile bermeidi. Mundaida tótenshe jaǵdai qyzmeti mamandarynyń keńesine júginýdiń mańyzy zor.
Búginde elimizde turǵyn úi qurylysyn júrgizgende onyń zań talaptaryna sai júrgizilgenin baqylaityn qadaǵalaýshy organdardyń quramynda órt sóndirýshilerdiń joq ekenin bireý bilse, bireý bilmeidi. Muny Dalanews.kz tilshileri jazyp, kótergen bolatyn. Sonyń kesirinen jańa turǵyn úilerde órt paida bolǵanda órt sóndirýshiler úlken qiyndyqtarǵa tap bolyp jatady. Avtoturaqtar men jer asty parkingterine elektromobilderdi qýattandyratyn qurylǵylardy ornatý barysynda osy qatelikterdi qaitalamaýymyz kerek. Ol úshin tiisti jerlerge qýattandyrýshy quraldardy ornatqan kezde tótenshe jaǵdailar qyzmetkerlerin aralastyrýdyń mańyzy zor.
Sonymen qatar, TJM elektromobilderde ornatylǵan litii-iondy akkýmýliatorlardyń órt qaýipti sipattamalaryna nazar aýdarady. Elektromobilderdegi órtti sóndirýdiń sheteldik tájiribesi litii-iondy batareialardyń tuiyqtalýy, isten shyǵýy, ózdiginen tutanýy jáne jarylýy múmkin ekenin kórsetedi. Sondyqtan elektromobilderdi paidalanǵan árbir adam qaýipsizdik qaǵidalaryn qatań saqtaýy tiis.
Osyǵan bailanysty, TJM elektromobilder men olardyń qýattandyrý stantsiialaryn ornalastyrý jónindegi halyqaralyq tájiribeni zerdelei otyryp, qýattandyrý stantsiialarynyń ornalasqan ornyna, ornalastyrylatyn elektromobilder men qýattandyrý stantsiialarynyń sanyna qoiylatyn talaptardy, eń az araqashyqtyq belgileý bóliginde sáýlet, qala qurylysy jáne qurylys salasyndaǵy memlekettik normativterge ózgerister engizý qajettigin atap ótti.
Elektr kóligin paidalanýdyń praktikalyq tájiribesin zertteý úshin Qytai men Túrkiiaǵa qosymsha suranystar jiberildi. Osylaisha QR Tótenshe jaǵdai ministrligi kúndelikti ómirimizge dendep enip jatqan elektromobilderdi qaýipsiz paidalanýdyń jón-joralǵylaryn zerdelep, ortaq talapty daiyndaýmen ainalysyp jatyr.
TJM sáýlet jáne qala qurylysy isteri jónindegi ýákiletti organnyń atyna tiisti talaptardy memlekettik normativterde belgileý qajettiligi týraly hat joldaǵanyn atap ótemiz.
Osyǵan bailanysty, TJM ártúrli maqsattaǵy ǵimarattarynda elektromobilderge arnalǵan qýattandyrý stantsiialaryn ornalastyrýǵa jol berý bóliginde memlekettik normativterge qajetti talaptardy zańnamalyq retteýden jáne olar engizilgennen keiin qabyldanǵan túzetýlerge sáikestikke keltirý maqsatynda órt qaýipsizdigi qaǵidalarynyń talaptary qaita qaraýdy kózdep otyr.
Joǵaryda aitylǵandardy eskere otyryp, tiisti normativtik quqyqtyq aktiler qabyldanǵanǵa deiin bokstarda, parkingterde, kólik quraldaryn qoiýǵa arnalǵan úi-jailarda, óndiristik garajdardyń úi-jailarynda, shatyrlardyń astynda jáne elektromobildi zariadtaýǵa arnalǵan kólikti saqtaý ashyq alańdarynda ainymaly tokpen qýattandyrý stantsiialaryn paidalanýǵa jol berilmeidi.
Nurlan ÁÝBÁKIR
