سول سەبەپتٸ قر تٶتەنشە جاعداي مينيسترلٸگٸ ەلەكتروموبيلدەردٸ قاۋٸپسٸز جاعدايدا قۋاتتاندىرۋدىڭ ەرەجە-تالاپتارىن قاراستىرۋدا. ەندٸ وسىنى Dalanews.kz اقپاراتتىق اگەنتتٸگٸنٸڭ مىڭداعان وقىرماندارىنا تٷسٸندٸرە كەتۋدٸ جٶن ساناپ وتىرمىز.
قر تٶتەنشە جاعدايلار مينيسترلٸگٸ ازاماتتاردىڭ ەلەكتروموبيلدەر مەن ولاردى قۋاتتاندىرۋ ستانتسييالارىنىڭ ورنالاسۋى تۋرالى كٶپتەگەن ٶتٸنٸشتەرٸن ەسكەرٸپ, بٸزدٸڭ ەلدە ولارعا قويىلاتىن تالاپتاردىڭ جوقتىعىنا الاڭداۋدا.
بٷگٸندە دامىعان ەلدەردە ەلەكتروموبيلدەرگە قويىلاتىن تالاپتار پايدا بولىپ, كەڭٸنەن قولدانىسقا يە بولعانىن بەرٸمٸز بٸلەمٸز. بٸزدە ولاردىڭ ٸس-تەجٸريبەسٸن باسشىلىققا الىپ, بۇل باعىتتا زامان تالابىنا ساي ورتاق تەرتٸپتٸ قالىپتاستىرۋدىڭ ماڭىزى زور. ٶيتكەنٸ, ەلەكتروموبيلدەردٸ قۋاتتاندىرۋ ٸسٸ كەزٸندە ٶرت قاۋٸپسٸزدٸگٸ قاتاڭ ساقتالۋى كەرەك.
بٷگٸندە بۇل مەسەلەگە مٷددەلٸ مەملەكەتتٸك ورگاندار تاراپىنان ەرەكشە نازار اۋدارىلۋدا. ٶيتكەنٸ سوڭعى ۋاقىتتارى بٷكٸل ەلەمدەگٸدەي بٸزدٸڭ ەلٸمٸزدە دە ەلەكتروموبيلدەرگە سۇرانىس ارتىپ كەلەدٸ.
ٸشكٸ ٸستەر مينيسترلٸگٸنٸڭ مەلٸمەتٸنە سەيكەس, اعىمداعى جىلدىڭ 25 قىركٷيەگٸندەگٸ احۋال بويىنشا ەل اۋماعىندا 6,5 مىڭنان استام ەلەكتروموبيلدٸ تۇرعىندار كٷندەلٸكتٸ پايدالانۋدا.
سوڭعى ۋاقىتتارى ەلٸمٸزدە ەلەكتروموبيلدەرگە قىزىعۋشىلاردىڭ سانى كٷن سايىن ارتىپ كەلە جاتقانىن ەسكەرسەك, الداعى ۋاقىتتا ەلەكتر قۋاتىمەن جٷرەتٸن كٶلٸكتەردٸڭ سانى ەلٸمٸزدە ەسەلەپ ٶسەتٸنٸ بايقاۋ قيىن ەمەس. ال ونى جٶندەۋ, قۋاتتاندىرۋ كەزٸندە قاۋٸپسٸزدٸك ەرەجەلەرٸن ساقتاۋ ٶتە ماڭىزدى تالاپ بولماق.
ەدەتتە ٶرت سٶندٸرۋشٸلەر كٷن سۋىتقان سەتتە ٷي-ٷيدٸ ارالاپ, وت جاعۋدىڭ قاۋٸپسٸزدٸگٸن ساقتاۋعا قاتىستى جادىنامالار تاراتىپ, تۇرعىنداردىڭ سۇراقتارىنا جاۋاپ بەرەتٸنٸن بٸلەمٸز. سول سيياقتى الداعى ۋاقىتتا تٶتەنشە جاعداي قىزمەتكەرلەرٸ كٶلٸك جٶندەيتٸن تەحنيكالىق ورتالىقتاردى ارالاپ, ەلەكتروموبيلدەردٸ جٶندەگەن ٶرت قاۋٸپسٸزدٸگٸن ساقتاۋ مەسەلەسٸن تٷسٸندٸرۋٸ ماڭىزدى. ال بۇل ٷشٸن ارنايى ەرەجە مەن تالاپتار كەرەك.
بۇل رەتتە ەلەكتروموبيلدەرگە ورناتىلعان باتارەيالار ەلەكتر قۋاتىن جيٸ قۋاتتانىدرۋدى قاجەت ەتەدٸ. بٷگٸنگٸ تاڭدا ەلٸمٸزدە تۇرعىن جەنە قوعامدىق عيماراتتاردىڭ اۆتوتۇراقتارى مەن پاركينگتەرٸندە قاۋاتتاندىرۋ ستانتسييالارىنىڭ بەلسەندٸ ورناتىلىپ جاتقانى بايقاۋعا بولادى.
ال ولاردىڭ ٶرت قاۋٸپسٸزدٸگٸن ساقتاپ ورناتىلىپ جاتقانىن كٶپشٸلٸك بٸلە بەرمەيدٸ. مۇندايدا تٶتەنشە جاعداي قىزمەتٸ ماماندارىنىڭ كەڭەسٸنە جٷگٸنۋدٸڭ ماڭىزى زور.
بٷگٸندە ەلٸمٸزدە تۇرعىن ٷي قۇرىلىسىن جٷرگٸزگەندە ونىڭ زاڭ تالاپتارىنا ساي جٷرگٸزٸلگەنٸن باقىلايتىن قاداعالاۋشى ورگانداردىڭ قۇرامىندا ٶرت سٶندٸرۋشٸلەردٸڭ جوق ەكەنٸن بٸرەۋ بٸلسە, بٸرەۋ بٸلمەيدٸ. مۇنى Dalanews.kz تٸلشٸلەرٸ جازىپ, كٶتەرگەن بولاتىن. سونىڭ كەسٸرٸنەن جاڭا تۇرعىن ٷيلەردە ٶرت پايدا بولعاندا ٶرت سٶندٸرۋشٸلەر ٷلكەن قيىندىقتارعا تاپ بولىپ جاتادى. اۆتوتۇراقتار مەن جەر استى پاركينگتەرٸنە ەلەكتروموبيلدەردٸ قۋاتتاندىراتىن قۇرىلعىلاردى ورناتۋ بارىسىندا وسى قاتەلٸكتەردٸ قايتالاماۋىمىز كەرەك. ول ٷشٸن تيٸستٸ جەرلەرگە قۋاتتاندىرۋشى قۇرالداردى ورناتقان كەزدە تٶتەنشە جاعدايلار قىزمەتكەرلەرٸن ارالاستىرۋدىڭ ماڭىزى زور.
سونىمەن قاتار, تجم ەلەكتروموبيلدەردە ورناتىلعان ليتيي-يوندى اككۋمۋلياتورلاردىڭ ٶرت قاۋٸپتٸ سيپاتتامالارىنا نازار اۋدارادى. ەلەكتروموبيلدەردەگٸ ٶرتتٸ سٶندٸرۋدٸڭ شەتەلدٸك تەجٸريبەسٸ ليتيي-يوندى باتارەيالاردىڭ تۇيىقتالۋى, ٸستەن شىعۋى, ٶزدٸگٸنەن تۇتانۋى جەنە جارىلۋى مٷمكٸن ەكەنٸن كٶرسەتەدٸ. سوندىقتان ەلەكتروموبيلدەردٸ پايدالانعان ەربٸر ادام قاۋٸپسٸزدٸك قاعيدالارىن قاتاڭ ساقتاۋى تيٸس.
وسىعان بايلانىستى, تجم ەلەكتروموبيلدەر مەن ولاردىڭ قۋاتتاندىرۋ ستانتسييالارىن ورنالاستىرۋ جٶنٸندەگٸ حالىقارالىق تەجٸريبەنٸ زەردەلەي وتىرىپ, قۋاتتاندىرۋ ستانتسييالارىنىڭ ورنالاسقان ورنىنا, ورنالاستىرىلاتىن ەلەكتروموبيلدەر مەن قۋاتتاندىرۋ ستانتسييالارىنىڭ سانىنا قويىلاتىن تالاپتاردى, ەڭ از اراقاشىقتىق بەلگٸلەۋ بٶلٸگٸندە سەۋلەت, قالا قۇرىلىسى جەنە قۇرىلىس سالاسىنداعى مەملەكەتتٸك نورماتيۆتەرگە ٶزگەرٸستەر ەنگٸزۋ قاجەتتٸگٸن اتاپ ٶتتٸ.
ەلەكتر كٶلٸگٸن پايدالانۋدىڭ پراكتيكالىق تەجٸريبەسٸن زەرتتەۋ ٷشٸن قىتاي مەن تٷركيياعا قوسىمشا سۇرانىستار جٸبەرٸلدٸ. وسىلايشا قر تٶتەنشە جاعداي مينيسترلٸگٸ كٷندەلٸكتٸ ٶمٸرٸمٸزگە دەندەپ ەنٸپ جاتقان ەلەكتروموبيلدەردٸ قاۋٸپسٸز پايدالانۋدىڭ جٶن-جورالعىلارىن زەردەلەپ, ورتاق تالاپتى دايىنداۋمەن اينالىسىپ جاتىر.
تجم سەۋلەت جەنە قالا قۇرىلىسى ٸستەرٸ جٶنٸندەگٸ ۋەكٸلەتتٸ ورگاننىڭ اتىنا تيٸستٸ تالاپتاردى مەملەكەتتٸك نورماتيۆتەردە بەلگٸلەۋ قاجەتتٸلٸگٸ تۋرالى حات جولداعانىن اتاپ ٶتەمٸز.
وسىعان بايلانىستى, تجم ەرتٷرلٸ ماقساتتاعى عيماراتتارىندا ەلەكتروموبيلدەرگە ارنالعان قۋاتتاندىرۋ ستانتسييالارىن ورنالاستىرۋعا جول بەرۋ بٶلٸگٸندە مەملەكەتتٸك نورماتيۆتەرگە قاجەتتٸ تالاپتاردى زاڭنامالىق رەتتەۋدەن جەنە ولار ەنگٸزٸلگەننەن كەيٸن قابىلدانعان تٷزەتۋلەرگە سەيكەستٸككە كەلتٸرۋ ماقساتىندا ٶرت قاۋٸپسٸزدٸگٸ قاعيدالارىنىڭ تالاپتارى قايتا قاراۋدى كٶزدەپ وتىر.
جوعارىدا ايتىلعانداردى ەسكەرە وتىرىپ, تيٸستٸ نورماتيۆتٸك قۇقىقتىق اكتٸلەر قابىلدانعانعا دەيٸن بوكستاردا, پاركينگتەردە, كٶلٸك قۇرالدارىن قويۋعا ارنالعان ٷي-جايلاردا, ٶندٸرٸستٸك گاراجداردىڭ ٷي-جايلارىندا, شاتىرلاردىڭ استىندا جەنە ەلەكتروموبيلدٸ زاريادتاۋعا ارنالعان كٶلٸكتٸ ساقتاۋ اشىق الاڭدارىندا اينىمالى توكپەن قۋاتتاندىرۋ ستانتسييالارىن پايدالانۋعا جول بەرٸلمەيدٸ.
نۇرلان ەۋبەكٸر
