«Búkil álem vaktsina saldyrýda». Almatylyq analar vaktsina saldyrýdy qoldaidy
«Baqytty otbasy» ortalyǵy kópbalaly analarǵa quqyqtyq, psihologiialyq keńes beredi, sondai-aq jumys tabýǵa kómektesedi. Ortalyq jumysynyń negizgi baǵyty kópbalaly analardy jańa mamandyqtarǵa oqytý.
Tolqyn Sametova indet jyly óte qiyn bolǵanyn aitty. Indet kezinde barlyq ortalyqtar onlain rejimde jumys istedi. Sabaqtar onlain oqytý platformasynda ótildi.
– Osy jaǵdaidyń aýyrlyǵyn sezine otyryp, biz keńse men úide sanitarlyq-epidemiologiialyq qaýipsizdiktiń barlyq sharalaryn qatań saqtadyq. Sondyqtan virýsqa jol bermei bizdiń keńse óz jumysyn «shyǵynsyz» jalǵastyrdy. Ortalyqtyń áleýmettik akkaýnttary arqyly dárigerlerdiń barlyq erejeleri men keńesterin tarattyq, aýrý juqtyrǵan otbasylardy qoldaýǵa tyrystyq, – dedi T. Sametova.
Tolqyn Sametova indetten týyndaǵan máseleler halyqtyń barlyq toptaryna áser etti jáne kóp balaly otbasylar olardy álemdegi barlyq adamdar siiaqty bastan keshýde dep oilaidy.
– Árine, biz vaktsinany qoldadyq, óitkeni ol ómirdiń qanshalyqty tez jaqsaratynyn jáne ádettegi arnaǵa oralatynyn áleýmettik jaýapkershilikke bailanysty ekenin kórsetti. Almatyda KVI vaktsinasyn alǵan kóptegen qala turǵyndary ekpe jaily oń pikirde, – deidi T. Sametova.
Onyń pikirinshe, vaktsina aýrýdan qorǵaýdyń eń qarapaiym, qaýipsiz ári tiimdi ádisi. Vaktsina alý zaman talaby jáne onymen kelisýimiz kerek.
– Shynynda, kóptegen adamdar jalǵan áńgimelerge senedi, al vaktsinanyń paidasyn ǵylymi turǵyda bile bermeidi. Sondyqtan biz barlyq kóp balaly otbasylarǵa óz balalarynyń ómirine jaýapty ata-analar ekenin, al balalar-olardyń urpaǵynyń jalǵasy ekenin aitamyz, – dedi áleýmettik ortalyqtyń basshysy.
Tolqyn Sametova jaqyn arada KVI-ǵa qarsy ekpe qajettiligine senbeitin adamdarǵa jalpyǵa birdei vaktsina alýdyń, qala turǵyndarynyń barynsha qaýipsizdigin qamtamasyz etýdegi jalǵyz joly ekenine senedi.
– Biz barlyq analarymyzdy óz bolashaqtary týraly oilanýǵa shaqyramyz. Búkil álem vaktsina saldyrýda. Búginde qyzylsha aýrýy, sheshek aýrýy da kúmán týdyrady. Biraq ýaqyt qaýipti aýrýlarǵa qarsy vaktsinanyń tiimdiligin kórsetýde, – deidi T. Sametova.
