– Aldymen barshańyzdy kele jatqan Jańa jyl merekesimen quttyqtaimyn. Búgin qasietti Túrkistan tórinde qýanyshty sátte jolyǵyp turmyz. Elimizdiń basty bailyǵy – adam jáne onyń densaýlyǵy. Memleket basshysy Qasym-Jomart Kemeluly Qazaqstan halqyna Joldaýynda densaýlyq saqtaý salasyna erekshe toqtalyp, meditsinalyq nysanardy arnaiy tehnikamen qamtýdy tapsyrǵan bolatyn.
Osy baǵytta Túrkistan oblysynda densaýlyq saqtaý infraqurylymyn damytý úshin 24 densaýlyq saqtaý nysanynyń qurylysy júrgizilip jatyr. Onyń ishinde biyl 18 nysan el igiligne beriletin bolady. Basym bóligi tapsyrylyp úlgerdi.
Budan bólek, 2024 jylǵa «Aýylda densaýlyq saqtaýdy jańǵyrtý» Ulttyq pilottyq jobasy aiasynda oblysymyzda 49 densaýlyq saqtaý nysanyn salý josparlandy. Halyq densaýlyǵy úshin, onyń ishinde birinshi kezekte ana men bala, jansaqtaý, ota jasaý qyzmetterin kúsheitý maqsatynda oblysymyzdaǵy meditsinalyq uiymdardyń materialdyq-tehnikalyq bazasy sońǵy zamanaýi meditsinalyq tehnikalarmen jabdyqtalýda.
Jańadan tapsyrylǵan «Hyundai i30» markaly 75 sanitarlyq avtokólikteri zamanaýi meditsinalyq qural-jabdyqtarmen qamtylǵan. Oǵan 1,3 mlrd. teńge bólingen. Avtokólikter 17 aýdan, qaladaǵy meditsinalyq uiymdar men Oblystyq jedel járdem stantsiiasyna jáne oblystyq aýrýhanalarǵa berildi. Óńirde meditsina salasyn damytý jumystary jalǵasady.
[caption id="attachment_96588" align="aligncenter" width="1000"]
Aita keteiik, jedel meditsinalyq járdem stantsiiasy dispetcheri qabyldaǵan shaqyrtýlar 4 (tórt) jedeldilik sanatyna bólinedi. Atap aitsaq, ómirine tikelei qaýip tóndiretin, jedel meditsinalyq kómek kórsetýdi qajet etetin patsienttiń jai-kúiinde birinshi, ómirine meditsinalyq kómek kórsetýsiz áleýetti qaýip tóndiretin patsienttiń jai-kúiinde ekinshi, densaýlyǵyna meditsinalyq kómek kórsetýsiz áleýetti qaýip tóndiretin patsienttiń jai-kúiinde úshinshi, sondai-aq jiti aýrýynan nemese sozylmaly aýrýynyń asqynýynan týyndaǵan, aǵzalar men júielerdiń kenetten bolǵan jáne aiqyn kórinetin buzylýlarynsyz patsienttiń ómiri men densaýlyǵyna tikelei jáne áleýetti qaýip tóndirmeitin patsienttiń jai-kúiinde tórtinshi jedeldilik sanatynda shaqyrylady.
1, 2, 3-jedeldilik sanattarynyń shaqyrtýlary kelip túsken kezde JMJS dispetcheri avtomatty basqarý júiesi arqyly shaqyrtýlardy JMJS feldsherlik jáne mamandandyrylǵan (dárigerlik) brigadalaryna beredi. 4-jedeldilik sanatynyń shaqyrtýlary kelip túsken kezde JMKS dispetcheri avtomatty basqarý júiesi arqyly shaqyrtýlardy meditsinalyq sanitariialyq alǵashqy kómek kórsetetin densaýlyq saqtaý uiymy janyndaǵy jedel meditsinalyq kómek bólimshesiniń feldsherlik jáne mamandandyrylǵan (dárigerlik) brigadalaryna beredi. Shaqyrtýdy qabyldaǵan sátten bastap, patsienttiń turǵan jerine deiin jetý 1-jedeldilik sanaty on minýtqa deiingi, 2-jedeldilik sanaty on bes minýtqa deiingi, 3-jedeldilik sanaty otyz minýtqa deiingi, 4-jedeldilik sanaty alpys minýtqa deiingi ýaqytty quraidy.
