Astana sottary sýdianyń alkogoldik mas kúiinde kólik júrgizdi degen kúdikpen ustalǵany týraly aqparattyń taralýyna bailanysty resmi jaýap berdi, dep habarlaidy Dalanews.kz.
Qazaqstan Respýblikasynyń sýdialary sot tóreligin júzege asyrý kezinde olardyń táýelsizdigin qamtamasyz etetin erekshe quqyqtyq mártebege ie.
Alaida bul mártebe olardy quqyq buzýshylyq úshin jaýapkershilikten bosatpaidy.
Ákimshilik quqyq buzýshylyq týraly materialdar Ishki ister ministrligimen Bas prokýratýraǵa joldanǵan.
Bas prokýratýra qoldanystaǵy tártipke sáikes sýdiany jaýapkershilikke tartý máselesin qaraý úshin Joǵary Sot Keńesine usynys engizedi.
Tártiptik jaýapkershilikke tartý, sondai-aq sýdialardy irikteý, taǵaiyndaý jáne qyzmetten bosatý máseleleri derbes memlekettik organ - Qazaqstan Respýblikasynyń Joǵary Sot Keńesiniń quzyretine jatady.
"Barlyq qajetti tekserýler ýákiletti organdarmen zańnama talaptaryna qatań sáikes júrgizilýde. Qazaqstan Respýblikasynyń sot júiesi zańdylyq, ádildik jáne laýazymyna ne mártebesine qaramastan, barlyq azamattardyń zań aldynda teńdigi qaǵidattaryn árdaiym ustanady. Sýdia tarapynan zań men qyzmettik mindetterin buzý faktisi zań talaptaryna sáikes tiisti quqyqtyq baǵa men saldarynsyz qalmaidy", - delingen habarlamada.
Astana qalalyq sotynyń baspasóz qyzmeti
