استانا سوتتارى سۋديانىڭ الكوگولدىك ماس كۇيىندە كولىك جۇرگىزدى دەگەن كۇدىكپەن ۇستالعانى تۋرالى اقپاراتتىڭ تارالۋىنا بايلانىستى رەسمي جاۋاپ بەردى، دەپ حابارلايدى Dalanews.kz.
قازاقستان رەسپۋبليكاسىنىڭ سۋديالارى سوت تورەلىگىن جۇزەگە اسىرۋ كەزىندە ولاردىڭ تاۋەلسىزدىگىن قامتاماسىز ەتەتىن ەرەكشە قۇقىقتىق مارتەبەگە يە.
الايدا بۇل مارتەبە ولاردى قۇقىق بۇزۋشىلىق ءۇشىن جاۋاپكەرشىلىكتەن بوساتپايدى.
اكىمشىلىك قۇقىق بۇزۋشىلىق تۋرالى ماتەريالدار ىشكى ىستەر مينيسترلىگىمەن باس پروكۋراتۋراعا جولدانعان.
باس پروكۋراتۋرا قولدانىستاعى تارتىپكە سايكەس سۋديانى جاۋاپكەرشىلىككە تارتۋ ماسەلەسىن قاراۋ ءۇشىن جوعارى سوت كەڭەسىنە ۇسىنىس ەنگىزەدى.
تارتىپتىك جاۋاپكەرشىلىككە تارتۋ، سونداي-اق سۋديالاردى ىرىكتەۋ، تاعايىنداۋ جانە قىزمەتتەن بوساتۋ ماسەلەلەرى دەربەس مەملەكەتتىك ورگان - قازاقستان رەسپۋبليكاسىنىڭ جوعارى سوت كەڭەسىنىڭ قۇزىرەتىنە جاتادى.
"بارلىق قاجەتتى تەكسەرۋلەر ۋاكىلەتتى ورگاندارمەن زاڭناما تالاپتارىنا قاتاڭ سايكەس جۇرگىزىلۋدە. قازاقستان رەسپۋبليكاسىنىڭ سوت جۇيەسى زاڭدىلىق، ادىلدىك جانە لاۋازىمىنا نە مارتەبەسىنە قاراماستان، بارلىق ازاماتتاردىڭ زاڭ الدىندا تەڭدىگى قاعيداتتارىن ءاردايىم ۇستانادى. سۋديا تاراپىنان زاڭ مەن قىزمەتتىك مىندەتتەرىن بۇزۋ فاكتىسى زاڭ تالاپتارىنا سايكەس ءتيىستى قۇقىقتىق باعا مەن سالدارىنسىز قالمايدى"، - دەلىنگەن حابارلامادا.
استانا قالالىق سوتىنىڭ باسپا ءسوز قىزمەتى
