Qazaqstanda keıbir dári-dármek túri arzandaǵan, dep habarlaıdy Dalanews.kz.

Densaýlyq saqtaý mınıstrligi Medısınalyq jáne farmasevtıkalyq baqylaý komıteti elimizdiń 20 óńirinde dárige qoıylǵan baǵaǵa monıtorıń ótkizgen. Bes farmakologıalyq top, sonyń ishinde vırýsqa qarsy, qabynýǵa qarsy, bakterıaǵa qarsy, júrek-qan tamyry jáne asqazan-ishek joly aýrýlaryn emdeýge arnalǵan, kóp suranysqa ıe 50 preparat tekserilgen.

Bıyl qyrkúıekte jasalǵan taldaý qorytyndylary boıynsha maýsymmen salystyrǵanda, olardyń 34% (orta eseppen, 7,8%), al qazanda 50% bóliginiń (orta eseppen, 11,1%) baǵalary tómendegeni anyqtalǵan.

Ásirese, myna preparattar arzandaǵan: Gepar komp. Heel, Revmoksıkam®️, Sefáps, VALMAK-N, Zıtmak®️.