Shymkenttegi bir mikroraionda jóndeý jumystary júrgizilgennen keiin jol jabyndysy opyryldy. Nátijesinde birneshe kólik shuńqyrǵa túsip ketti, dep habarlaidy Dalanews.kz. Otyrar.kz.silteme jasap.
Teledidar arnasynyń málimetinshe, oqiǵa Shymkenttegi «Vostok» mikroraionynda bolǵan. Shuńqyrǵa keminde tórt kólik túsken. Qala turǵyndary bul sátti videoǵa túsirip, áleýmettik jelilerde bólisken: kadrlarda birneshe kóliktiń tereń shuńqyrǵa túskeni kórinedi.
Akimatta bul oqiǵaǵa birden reaktsiia bildirdi. Mekeme bul ýchaskide jaqynda injenerlik kommýnikatsiialardy júrgizý jumystary bolǵanyn rastady.
«Jumystar shamamen bir kilometr uzyndyqtaǵy qubyr tóseý jobasy aiasynda júrgizilgen. Tapsyrys berýshi – TOO «Vodnye resýrsy-Marketing» . Jer qazý jumystary aiaqtalǵan soń merdiger uiym qaita toltyrý jumystaryn jasap, ýaqytsha jol jabyndysyn qalpyna keltirdi. Alaida topyraqtyń sińip qalýy saldarynan joldyń bul bóligi opyrylyp, kólikter shuńqyrǵa túsip qaldy», — dedi qala ákimdiginiń baspasóz qyzmeti.
Aitylǵandai, merdiger uiym ákimshilik jaýapkershilikke tartyldy, al zardap shekken avtokólik ielerine ótemaqy tólenedi.
