Astanadaǵy Qazaqconcert sahnasynda Ne Prosto Orchestra ujymynyń «NE PROSTO RETRO 80s» baǵdarlamasymen kontserti ótti. Mýzykalyq keshtiń bas seriktesi Qazaqstandaǵy Škoda brendiniń resmi distribiýtory ári óndirýshisi – Allur kompaniiasy boldy, dep habarlaidy dalanews.kz.
28 maýsym kúni ótken kontsertte kórermender álemdik jáne otandyq 1980-jyldardyń tanymal ánderin Ne Prosto Orchestra ujymynyń avtorlyq simfoniialyq óńdeýinde tyńdady. Baǵdarlamada Maikl Djekson, Sting, Modern Talking, Scorpions jáne ózge de áigili oryndaýshylardyń shyǵarmalary oryndalyp, kórermenderge keńinen tanylǵan týyndylar jańa orkestrlik formatta usynyldy.
Kompaniia ókilderiniń aitýynsha, bul seriktestik Škoda brendi ustanatyn mádeni qundylyqtar men dástúrlerge qurmet kórsetýdiń jalǵasy sanalady. Chehiiada Škoda Auto 30 jyldan astam ýaqyt boiy Cheh filarmoniiasymen yntymaqtastyq ornatyp, mádeni jáne mýzykalyq bastamalardy turaqty túrde qoldap keledi. Qazaqstandaǵy Ne Prosto Orchestra kontserti osy dástúrdiń jalǵasy boldy.
«Biz Ne Prosto Orchestra siiaqty talantty ujymmen áriptestik ornatqanymyzǵa qýanyshtymyz. Bizdiń kózqarasymyz uqsas: Škoda ýaqyt talabyna sai damyp, negizgi qundylyqtaryn saqtai otyryp, sapaly ónim usynady. Al Ne Prosto Orchestra klassikalyq jáne tanymal shyǵarmalardy jańa qyrynan usynyp, zamanaýi tyńdarmanǵa jaqyndatady. Ótkendi bilý - búgindi túsinip, bolashaqty boljaýǵa múmkindik beredi. Ujymǵa shyǵarmashylyq tabys tileimiz», – dedi Qazaqstandaǵy Škoda distribýtsiiasynyń jetekshisi Andrei Tananykin.
Búginde Allur Qazaqstandaǵy Škoda avtokólikteriniń resmi distribiýtory ári óndirýshisi bolyp tabylady. Avtomobilder Qostanai qalasyndaǵy óndiris alańynda shyǵarylady. Kompaniianyń málimetinshe, Škoda – Qazaqstanda seriialyq óndirisi jolǵa qoiylǵan jalǵyz eýropalyq avtomobil brendi. Sonymen qatar kompaniia mádeni jáne qoǵamdyq bastamalardy qoldaýǵa da erekshe kóńil bóledi.
