شىمكەنتتەگى ءبىر ميكرورايوندا جوندەۋ جۇمىستارى جۇرگىزىلگەننەن كەيىن جول جابىندىسى وپىرىلدى. ناتيجەسىندە بىرنەشە كولىك شۇڭقىرعا ءتۇسىپ كەتتى، دەپ حابارلايدى Dalanews.kz. Otyrar.kz.سىلتەمە جاساپ.
تەلەديدار ارناسىنىڭ مالىمەتىنشە، وقيعا شىمكەنتتەگى «ۆوستوك» ميكرورايونىندا بولعان. شۇڭقىرعا كەمىندە ءتورت كولىك تۇسكەن. قالا تۇرعىندارى بۇل ءساتتى ۆيدەوعا ءتۇسىرىپ، الەۋمەتتىك جەلىلەردە بولىسكەن: كادرلاردا بىرنەشە كولىكتىڭ تەرەڭ شۇڭقىرعا تۇسكەنى كورىنەدى.
اكيماتتا بۇل وقيعاعا بىردەن رەاكسيا ءبىلدىردى. مەكەمە بۇل ۋچاسكىدە جاقىندا ينجەنەرلىك كوممۋنيكاسيالاردى جۇرگىزۋ جۇمىستارى بولعانىن راستادى.
«جۇمىستار شامامەن ءبىر كيلومەتر ۇزىندىقتاعى قۇبىر توسەۋ جوباسى اياسىندا جۇرگىزىلگەن. تاپسىرىس بەرۋشى – توو «ۆودنىە رەسۋرسى-ماركەتينگ» . جەر قازۋ جۇمىستارى اياقتالعان سوڭ مەردىگەر ۇيىم قايتا تولتىرۋ جۇمىستارىن جاساپ، ۋاقىتشا جول جابىندىسىن قالپىنا كەلتىردى. الايدا توپىراقتىڭ ءسىڭىپ قالۋى سالدارىنان جولدىڭ بۇل بولىگى وپىرىلىپ، كولىكتەر شۇڭقىرعا ءتۇسىپ قالدى»، — دەدى قالا اكىمدىگىنىڭ باسپا ءسوز قىزمەتى.
ايتىلعانداي، مەردىگەر ۇيىم اكىمشىلىك جاۋاپكەرشىلىككە تارتىلدى، ال زارداپ شەككەن اۆتوكولىك يەلەرىنە وتەماقى تولەنەدى.
