34 jastaǵy Zohran Mamdani Niý-Iork meri sailaýynda jeńiske jetip, respýblikashyl Kertis Sliva men Donald Tramptyń qoldaýyna ie bolǵan burynǵy gýbernator Endriý Kýomony artta qaldyrdy. Osylaisha, ol qala tarihyndaǵy alǵashqy musylman mer boldy, dep habarlaidy Dalanews.kz.
Ýgandada dúniege kelgen Mamdani keiin Ońtústik Afrika Respýblikasyna, odan soń AQSh-qa qonys aýdarǵan.
Saiasatqa kelmei turyp, ol turǵyn úiinen aiyrylý qaýpi bar azamattarǵa kómek kórsetýmen ainalysqan. Sondyqtan onyń sailaýaldy baǵdarlamasynyń basty baǵyty - qoljetimdi baspana máselesin sheshý.
Sonymen qatar, ol bailarǵa salynatyn salyqty kóbeitýdi, eń tómengi jalaqyny kóterýdi jáne mektepke deiingi bilim men qoǵamdyq kóliktegi jolaqyny tegin etýdi usyndy.
2017 jyldan beri Mamdani «Amerika demokratiialyq sotsialisteri» uiymynyń múshesi. Onyń saiasi kózqarasy qoǵamda qyzý pikirtalas týdyrǵanymen, ol Demokratiialyq partiianyń praimerizinde aiqyn basymdyqpen jeńip, jalpy sailaýda da qarsylastaryn artta qaldyrdy.
