34 جاستاعى زوحران مامداني نيۋ-يورك مەرى سايلاۋىندا جەڭىسكە جەتىپ، رەسپۋبليكاشىل كەرتيس سليۆا مەن دونالد ترامپتىڭ قولداۋىنا يە بولعان بۇرىنعى گۋبەرناتور ەندريۋ كۋومونى ارتتا قالدىردى. وسىلايشا، ول قالا تاريحىنداعى العاشقى مۇسىلمان مەر بولدى، دەپ حابارلايدى Dalanews.kz.
ۋگاندادا دۇنيەگە كەلگەن مامداني كەيىن وڭتۇستىك افريكا رەسپۋبليكاسىنا، ودان سوڭ اقش-قا قونىس اۋدارعان.
ساياساتقا كەلمەي تۇرىپ، ول تۇرعىن ۇيىنەن ايىرىلۋ ءقاۋپى بار ازاماتتارعا كومەك كورسەتۋمەن اينالىسقان. سوندىقتان ونىڭ سايلاۋالدى باعدارلاماسىنىڭ باستى باعىتى - قولجەتىمدى باسپانا ماسەلەسىن شەشۋ.
سونىمەن قاتار، ول بايلارعا سالىناتىن سالىقتى كوبەيتۋدى، ەڭ تومەنگى جالاقىنى كوتەرۋدى جانە مەكتەپكە دەيىنگى ءبىلىم مەن قوعامدىق كولىكتەگى جولاقىنى تەگىن ەتۋدى ۇسىندى.
2017 جىلدان بەرى مامداني «امەريكا دەموكراتيالىق سوسياليستەرى» ۇيىمىنىڭ مۇشەسى. ونىڭ ساياسي كوزقاراسى قوعامدا قىزۋ پىكىرتالاس تۋدىرعانىمەن، ول دەموكراتيالىق پارتيانىڭ پرايمەريزىندە ايقىن باسىمدىقپەن جەڭىپ، جالپى سايلاۋدا دا قارسىلاستارىن ارتتا قالدىردى.
