Shetelden ózdiginen telefon alyp keletin qazaqstandyqtar qiyndyqqy tap boldy. Olar uialy telefondaryn tirkei almai dal bolǵan, dep habarlaidy Dalanews.kz.
Bul jaǵdaiǵa qatysty Jasandy intellekt jáne tsifrlyq damý ministrligi telefondardy buǵattaý týraly taraǵan aqparatqa túsinik berdi.
Vedomstvonyń vitse-ministri Rostislav Koniashkinniń sózinshe, qazaqstandyqtar ózderi shetelden jeke ákelgen smartfondaryn esh qiyndyqsyz tirkei alady.
«Eger áńgime elge zańsyz jolmen ákelingen telefondar jaily bolsa, onda olardyń keibiri shynymen buǵattalýy múmkin. Mundai qurylǵylardy zańdastyrýǵa bolady – ol úshin tiisti aqparat jiberilip, adamnyń belgili bir kezeńde shetelge shyqqany tekseriledi. Osydan keiin smartfon tirkelip, erkin paidalanýǵa múmkindik beriledi», – dedi vitse-ministr.
Koniashkinniń aitýynsha, ministrlik engizip jatqan sharalar azamattardyń zańdy túrde satyp alǵan jáne elge jeke kirgizgen qurylǵylaryna áser etpeidi.
