“Qazaqmys korporatsiiasy” JShS-niń “Jomart” ken ornynda taǵy da tótenshe jaǵdai tirkeldi, dep habarlaidy Dalanews.kz.
Buǵan deiin, 2025 jylǵy 17 aqpanda dál osy kenishte bolǵan apat saldarynan jeti kenshi qaza tapqan edi. Al bul joly jumysshylardyń aitýynsha, taý jynysy tehnika ústine qulap, kenishtiń tóbesi opyrylǵan.
Abyroi bolǵanda, jumysshylar der kezinde qashyp úlgerip, aman qalǵan.
Pisma Prezidentý telegram arnasynyń málimetinshe, oqiǵaǵa bailanysty naqty shara qabyldanbaǵan.
“Kei derekke súiensek, oqiǵa ornyna kelgen TJM qyzmetkerleri naqty shara qabyldaýdyń ornyna, esep jazýmen ǵana ainalysqan”, — deidi derekkóz.
Eske salaiyq, buǵan deiin Ulytaý oblysynda shahta opyrylyp, jeti qyzmetker qaza tapqanyn habarlaǵan edik.
Jańaarqa aýdanyndaǵy "Qazaqmys" korporatsiiasyna qarasty "Jomart" kenishindegi shahtada taý-ken massasy opyryldy. Búgin qutqarýshylar jeti jumysshynyń denesin tapty.
Kabelder úzilýine bailanysty jumysshylarmen bailanys ta úzildi. Avariialyq-qutqarý jumystaryna Ulytaý jáne Qaraǵandy oblystarynyń TJD kúshteri men quraldary, apattar meditsinasy ortalyǵynyń qyzmetkerleri jáne TJM psihologtary jumyldyryldy.
Premer-ministr Oljas Bektenovtiń tapsyrmasy boiynsha Ulytaý oblysy Jańaarqa aýdanyndaǵy shahtadaǵy jaǵdaidyń sebepterin tergeý jáne zardap shekkenderge kómektesý jónindegi arnaiy komissiia quryldy. Komissiiany premer-ministrdiń orynbasary Qanat Bozymbaev basqardy.
