Qazaqstanda 2025 jyly qyzmetkerler eń jii alatyn jalaqy mólsheri 116 059 teńgeni qurady. Bul eldegi ortasha ailyqtan shamamen tórt ese tómen kórsetkish, dep habarlaidy Dalanews.kz Nur.kz-ke silteme jasap.
Analitikterdiń aitýynsha, halyq tabysyn esepteýdiń birneshe tásili bar. Sonyń biri - ortasha nominaldy jalaqy. 2025 jyldyń ekinshi toqsanynda bul kórsetkish 448 620 teńgeni quraǵan.
Al medianalyq jalaqy tabysy joǵary jáne tómen azamattardy teń eki bólikke bóletin naqty shama. 2025 jyly onyń mólsheri 317 512 teńgege teń boldy.
Budan bólek, sarapshylar modaldy jalaqyny, iaǵni elde eń jii kezdesetin tabys kólemin de esepteidi. Ulttyq statistika biýrosynyń dereginshe, biyl bul kórsetkish 116 059 teńge bolǵan. Bul ortasha nominaldy jalaqydan tórt ese az.
Soǵan qaramastan, modaldy jalaqy bir jyl ishinde 19 paiyzǵa artqan: 2024 jyly ol 97 557 teńge bolǵan edi.
Óńirler arasyndaǵy aiyrmashylyq aiqyn. Eń joǵary modaldy jalaqy Shyǵys Qazaqstan oblysynda tirkelgen, aiyna 256 907 teńge. Odan keiin Astana (252 738 teńge) men Almaty (247 385 teńge) qalalary keledi. Al úzdik bestikti Atyraý oblysy (242 995 teńge) men Shymkent (208 179 teńge) túiindeidi.
Eń tómen kórsetkishter Batys Qazaqstan (113 201 teńge), Túrkistan (113 110 teńge) jáne Soltústik Qazaqstan (112 745 teńge) oblystarynda baiqaldy.
Munyń barlyǵy eldegi tabys teńsizdiginiń aitarlyqtai joǵary ekenin kórsetedi. Kóptegen azamattyń eńbekaqysy ortasha jáne medianalyq deńgeige jete bermeidi.
Buǵan deiin Qazaqstanda jumys berýshiler usynatyn ortasha jalaqy kólemi týraly da aitylǵan edi. Al jýyrda elimiz EAEO elderi arasynda ortasha ailyq mólsheri boiynsha ekinshi orynǵa ie bolǵan.
