قازاقستاندا 2025 جىلى قىزمەتكەرلەر ەڭ جيٸ الاتىن جالاقى مٶلشەرٸ 116 059 تەڭگەنٸ قۇرادى. بۇل ەلدەگٸ ورتاشا ايلىقتان شامامەن تٶرت ەسە تٶمەن كٶرسەتكٸش, دەپ حابارلايدى Dalanews.kz Nur.kz-كە سٸلتەمە جاساپ.
اناليتيكتەردٸڭ ايتۋىنشا, حالىق تابىسىن ەسەپتەۋدٸڭ بٸرنەشە تەسٸلٸ بار. سونىڭ بٸرٸ - ورتاشا نومينالدى جالاقى. 2025 جىلدىڭ ەكٸنشٸ توقسانىندا بۇل كٶرسەتكٸش 448 620 تەڭگەنٸ قۇراعان.
ال مەديانالىق جالاقى تابىسى جوعارى جەنە تٶمەن ازاماتتاردى تەڭ ەكٸ بٶلٸككە بٶلەتٸن ناقتى شاما. 2025 جىلى ونىڭ مٶلشەرٸ 317 512 تەڭگەگە تەڭ بولدى.
بۇدان بٶلەك, ساراپشىلار مودالدى جالاقىنى, ياعني ەلدە ەڭ جيٸ كەزدەسەتٸن تابىس كٶلەمٸن دە ەسەپتەيدٸ. ۇلتتىق ستاتيستيكا بيۋروسىنىڭ دەرەگٸنشە, بيىل بۇل كٶرسەتكٸش 116 059 تەڭگە بولعان. بۇل ورتاشا نومينالدى جالاقىدان تٶرت ەسە از.
سوعان قاراماستان, مودالدى جالاقى بٸر جىل ٸشٸندە 19 پايىزعا ارتقان: 2024 جىلى ول 97 557 تەڭگە بولعان ەدٸ.
ٶڭٸرلەر اراسىنداعى ايىرماشىلىق ايقىن. ەڭ جوعارى مودالدى جالاقى شىعىس قازاقستان وبلىسىندا تٸركەلگەن, ايىنا 256 907 تەڭگە. ودان كەيٸن استانا (252 738 تەڭگە) مەن الماتى (247 385 تەڭگە) قالالارى كەلەدٸ. ال ٷزدٸك بەستٸكتٸ اتىراۋ وبلىسى (242 995 تەڭگە) مەن شىمكەنت (208 179 تەڭگە) تٷيٸندەيدٸ.
ەڭ تٶمەن كٶرسەتكٸشتەر باتىس قازاقستان (113 201 تەڭگە), تٷركٸستان (113 110 تەڭگە) جەنە سولتٷستٸك قازاقستان (112 745 تەڭگە) وبلىستارىندا بايقالدى.
مۇنىڭ بارلىعى ەلدەگٸ تابىس تەڭسٸزدٸگٸنٸڭ ايتارلىقتاي جوعارى ەكەنٸن كٶرسەتەدٸ. كٶپتەگەن ازاماتتىڭ ەڭبەكاقىسى ورتاشا جەنە مەديانالىق دەڭگەيگە جەتە بەرمەيدٸ.
بۇعان دەيٸن قازاقستاندا جۇمىس بەرۋشٸلەر ۇسىناتىن ورتاشا جالاقى كٶلەمٸ تۋرالى دا ايتىلعان ەدٸ. ال جۋىردا ەلٸمٸز ەاەو ەلدەرٸ اراسىندا ورتاشا ايلىق مٶلشەرٸ بويىنشا ەكٸنشٸ ورىنعا يە بولعان.
