Taifýn «Kalmaegi» Filippinniń ortalyq bóligin shaiqap ótti. Saldarynan 50-den astam adam qaza taýyp, shamamen 400 myń adam evakýatsiialandy dep habarlaidy Dalanews.kz.
BILD basylymynyń habarlaýynsha, araldarǵa kelgen taifýn saldarynan keibir eldi mekender sý astynda qaldy. Kýágerlerdiń aitýynsha, laidan quralǵan tasqyndar avtokólikterdi, júk kólikterin, tipti keme konteinerlerin súirep áketken.
Bilik aldyn ala shamamen 400 000 adamdy evakýatsiialaýǵa úlgerdi.
Meteorologtar apta sońyna qarai taifýn Tailand pen Vetnamǵa jetýi múmkin ekenin eskertedi.
Sonymen birge, Inquirer basylymy Ulttyq apattarǵa qarsy is-qimyl jáne táýekelderdi azaitý keńesiniń derekterine silteme jasap, 5 qarasha kúni tańerteń «Kalmaegi» taifýnnyń qurbandar sany 52-ge jetkenin habarlady.
Filippinniń ortalyq bóliginde tótenshe jaǵdai rejimi saqtalýda. Taifýnnyń araldardan sársenbi keshke nemese beisenbige qaraǵan túni ketetini kútilýde.
