تايفۋن «كالماەگي» فيليپپيننٸڭ ورتالىق بٶلٸگٸن شايقاپ ٶتتٸ. سالدارىنان 50-دەن استام ادام قازا تاۋىپ, شامامەن 400 مىڭ ادام ەۆاكۋاتسييالاندى دەپ حابارلايدى Dalanews.kz.
BILD باسىلىمىنىڭ حابارلاۋىنشا, ارالدارعا كەلگەن تايفۋن سالدارىنان كەيبٸر ەلدٸ مەكەندەر سۋ استىندا قالدى. كۋەگەرلەردٸڭ ايتۋىنشا, لايدان قۇرالعان تاسقىندار اۆتوكٶلٸكتەردٸ, جٷك كٶلٸكتەرٸن, تٸپتٸ كەمە كونتەينەرلەرٸن سٷيرەپ ەكەتكەن.
بيلٸك الدىن الا شامامەن 400 000 ادامدى ەۆاكۋاتسييالاۋعا ٷلگەردٸ.
مەتەورولوگتار اپتا سوڭىنا قاراي تايفۋن تايلاند پەن ۆەتنامعا جەتۋٸ مٷمكٸن ەكەنٸن ەسكەرتەدٸ.
سونىمەن بٸرگە, Inquirer باسىلىمى ۇلتتىق اپاتتارعا قارسى ٸس-قيمىل جەنە تەۋەكەلدەردٸ ازايتۋ كەڭەسٸنٸڭ دەرەكتەرٸنە سٸلتەمە جاساپ, 5 قاراشا كٷنٸ تاڭەرتەڭ «كالماەگي» تايفۋننىڭ قۇرباندار سانى 52-گە جەتكەنٸن حابارلادى.
فيليپپيننٸڭ ورتالىق بٶلٸگٸندە تٶتەنشە جاعداي رەجيمٸ ساقتالۋدا. تايفۋننىڭ ارالداردان سەرسەنبٸ كەشكە نەمەسە بەيسەنبٸگە قاراعان تٷنٸ كەتەتٸنٸ كٷتٸلۋدە.
