قىرعىزستاندا بالالارعا قوسارلانعان تەگٸ بەرۋ مەسەلەسٸ قاراستىرىلىپ جاتىر. تيٸستٸ زاڭ جوباسىن جوگوركۋ كەڭەش دەپۋتاتتارى قوعامدىق تالقىلاۋعا شىعاردى., دەپ حابارلايدى dalanews.kz.
زاڭ جوباسىنا سەيكەس, اتا-انالاردىڭ كەلٸسٸمٸمەن جاڭا تۋعان بالاعا ەكەسٸ مەن اناسىنىڭ تەگٸن دەفيس ارقىلى بٸرٸكتٸرۋ جولىمەن جاسالعان قوسارلانعان تەگٸ بەرٸلۋٸ مٷمكٸن.
قۇجاتتا قوسارلانعان تەكتٸڭ قانداي رەتپەن جازىلاتىنىن اتا-انالاردىڭ ٶزدەرٸ شەشەتٸنٸ كٶرسەتٸلگەن. سونىمەن بٸرگە زاڭ جوباسى بالالارعا ٷشتٸك تەگٸن بەرۋگە جول بەرمەيدٸ.
دەپۋتاتتاردىڭ ايتۋىنشا, بۇل شەكتەۋ كەلەسٸ ۇرپاقتاردا تەكتەردٸڭ شامادان تىس ۇزارىپ, كٷردەلەنۋٸنە جول بەرمەۋ ماقساتىندا ەنگٸزٸلٸپ وتىر. قازٸرگٸ ۋاقىتتا زاڭ جوباسى قوعامدىق تالقىلاۋ كەزەڭٸندە. ودان كەيٸن قۇجاتتى قىرعىزستان پارلامەنتٸ قارايدى.
