Soltústik Qazaqstan oblysy, Dokýchaevo aýyly “BýrBat” sharýa qojalyǵynyń aýmaǵynda qandy oqiǵa oryn aldy, dep habarlaidy Dalanews.kz.
QR Jemqorlyqqa qarsy halyqtyq komitettiń málimetinshe, 22 jastaǵy Vadim Orlov masań kúide qojalyq iesi Azamat Batanovqa kelip, jalaqysyn talap etken. Aralarynda janjal týyndap, Batanov myltyǵyn alyp shyqqan. Qorqytý maqsatynda ol aspanǵa oq atqan.
Alaida Orlov myltyqty tartyp alyp, Batanovqa oq atqan. Saldarynan, 52 jastaǵy qojalyq iesi oqiǵa ornynda qaza tapty.
“22 jastaǵy kúdikti ustaldy. SQO Timiriazev aýdany, Dokýchaevo aýyly turǵynynyń ólimine qatysty sotqa deiingi tergeý júrgizilip jatyr. Oqiǵanyń barlyq mán-jaiy anyqtalýda”, — dep habarlady politsiianyń baspasóz qyzmeti.
Derekterge súiensek, sharýa qojalyqtyń jyldyq aqshalai túsimi 300 mln teńgeden asqan.
