Túrkistan oblysynda úilený toiy tragediiamen aiaqtalýyna az qaldy. Mereke kezinde feierverk atylǵannan keiin, meiramhananyń tóbesi tutanyp ketti, dep habarlaidy Dalanews.kz KTK-ǵa silteme jasap.
Qazyǵurt aýdanynyń bir meiramhanasynda saliýt atyldy. Jalyn tez arada tóbege tarap, onyń bólikteri qonaqtardyń basyna qulai bastady.
Órt sóndirýshilerdiń aldyn ala nusqasy boiynsha, bári feierverk ornatylǵan elektr symdarynyń qysqa tuiyqtalýy saldarynan bolǵan. Zardap shekkender joq. Endi mekeme iesin qaýipsizdik talaptaryn buzǵany úshin jazalaý kútip tur.
