Almatyda túnde tolassyz qar jaýdy. Almaty ákimdigi ókilderi qaladaǵy ahýal týraly aitty, dep habarlaidy Dalanews.kz.
4 qarashada saǵat 20:00-den bastap Almatyda qar jaýa bastady. Aýa temperatýrasy +2 °C, jeldiń jyldamdyǵy 2-7 m/s boldy. Qar qalyńdyǵy qalada shamamen 1 sm, taýly aimaqta 10 sm-ge deiin jetedi.
"Qala kóshelerinde 918 arnaiy tehnika jáne 2550 jol jumysshysy qyzmet atqaryp jatyr. Negizgi magistralder, kópirler, jol airyqtary, eńister men kóterilister, trotýarlar jáne aialdama aimaqtary kóktaiǵaqqa qarsy materialdarmen óńdelip jatyr. Jumystar táýlik boiy júrgiziledi", - dedi ákimdik ókilderi.
Almaty Politsiia departamenti málimetinshe, túnde jaýǵan qardan keiin Almatyda 17 jol apaty bolǵan.
"Almatyda saǵat 18:00-den tańǵy 06:00-ge deiin 17 jol apaty tirkeldi. Qaza tapqandar joq, 6 adam jaraqat aldy", - dedi PD baspasóz qyzmeti ókili.
