Batys Qazaqstan oblysynda alaiaqtyqpen ainalysqan top ustaldy, dep habarlaidy Dalanews.kz.
QMA Batys Qazaqstan oblysy boiynsha departamenti prokýratýranyń úilestirýimen bank shotyn zańsyz ielenip, ony basqarý arqyly ruqsat etilmegen tólemder men aqsha aýdarymdaryn júzege asyrý deregi boiynsha sotaldy tergep-tekserý júrgizip jatyr.
Uiymdastyrýshylar ýaqytsha tabys tabý retinde jastarǵa ekinshi deńgeili bankterden óz atyna shot ashýdy usynǵan. Internet bankingtiń mobildi qosymshalary ornatylǵannan keiin shottarǵa kirý kúdiktilerdiń baqylaýyna ótken. Mundai áreketterge qatysqandar, iaǵni "dropperler" 200-den 350 AQSh dollaryna deiin syiaqy alyp otyrǵan. Olardyń atyna ashylǵan shottar arqyly internet alaiaqtyq qurbandarynan túsken qarajat aýdarylyp otyrǵan. Zańsyz ainalymdaǵy qarajattyń jalpy kólemi 17 mln teńgeden asqan.
Epizodtardyń birinde bank kartasy buǵattalǵannan keiin bir dropper zańsyz áreketterge qatysýdan bas tartqan. Qylmystyq toptyń qatysýshylary ony kúshtep ustap, qorqytyp, shotqa qaita kirýdi qalpyna keltirýdi talap etken.
Qazir uiymdastyrýshy kúdikti retinde tanylyp, sot sanktsiiasymen qamaýǵa alynǵan.
Tergeý jalǵasyp jatyr.
