باتىس قازاقستان وبلىسىندا الاياقتىقپەن اينالىسقان توپ ۇستالدى, دەپ حابارلايدى Dalanews.kz.
قما باتىس قازاقستان وبلىسى بويىنشا دەپارتامەنتٸ پروكۋراتۋرانىڭ ٷيلەستٸرۋٸمەن بانك شوتىن زاڭسىز يەلەنٸپ, ونى باسقارۋ ارقىلى رۇقسات ەتٸلمەگەن تٶلەمدەر مەن اقشا اۋدارىمدارىن جٷزەگە اسىرۋ دەرەگٸ بويىنشا سوتالدى تەرگەپ-تەكسەرۋ جٷرگٸزٸپ جاتىر.
ۇيىمداستىرۋشىلار ۋاقىتشا تابىس تابۋ رەتٸندە جاستارعا ەكٸنشٸ دەڭگەيلٸ بانكتەردەن ٶز اتىنا شوت اشۋدى ۇسىنعان. ينتەرنەت بانكينگتٸڭ موبيلدٸ قوسىمشالارى ورناتىلعاننان كەيٸن شوتتارعا كٸرۋ كٷدٸكتٸلەردٸڭ باقىلاۋىنا ٶتكەن. مۇنداي ەرەكەتتەرگە قاتىسقاندار, ياعني "دروپپەرلەر" 200-دەن 350 اقش دوللارىنا دەيٸن سىياقى الىپ وتىرعان. ولاردىڭ اتىنا اشىلعان شوتتار ارقىلى ينتەرنەت الاياقتىق قۇرباندارىنان تٷسكەن قاراجات اۋدارىلىپ وتىرعان. زاڭسىز اينالىمداعى قاراجاتتىڭ جالپى كٶلەمٸ 17 ملن تەڭگەدەن اسقان.
ەپيزودتاردىڭ بٸرٸندە بانك كارتاسى بۇعاتتالعاننان كەيٸن بٸر دروپپەر زاڭسىز ەرەكەتتەرگە قاتىسۋدان باس تارتقان. قىلمىستىق توپتىڭ قاتىسۋشىلارى ونى كٷشتەپ ۇستاپ, قورقىتىپ, شوتقا قايتا كٸرۋدٸ قالپىنا كەلتٸرۋدٸ تالاپ ەتكەن.
قازٸر ۇيىمداستىرۋشى كٷدٸكتٸ رەتٸندە تانىلىپ, سوت سانكتسيياسىمەن قاماۋعا الىنعان.
تەرگەۋ جالعاسىپ جاتىر.
