Almaty qalasynda 35 joǵary oqý ornynda 199 myńnan astam stýdent bilim alady, onyń 124 myńy basqa óńirlerden (62,3%) kelgen.
<span;>Oqý jyly bastalar aldynda qalamyzdaǵy stýdenttik jataqhanalarda 32 myńnan astam stýdent turatyn. Tósek-oryn tapshylyǵy 32,7 myń bolatyn.
- QR Prezidentiniń tapsyrysy boiynsha Almatyda jataqhana máselesin sheshý maqsatynda úlken jumystar jasalyp jatyr. Osy máseleni sheshý úshin Almaty qalasyn damytýdyń 2025 jylǵa deiingi baǵdarlamasy aiasynda 12 myń oryndyq, al 2030 jylǵa deiin taǵy 20 myń oryndyq jataqhana salý josparlanǵan. Ol degenimiz qalamyzdaǵy jataqhana máselesi tolyq sheshiledi degen sóz. 2023 jyldyń sońyna deiin 3 959 tósek-orynǵa arnalǵan 15 nysan paidalanýǵa beriledi.
Onyń 1 550 tósek-orynǵa arnalǵan 7 nysan qaita jóndeý jumystary arqyly qyrkúiek aiynda iske qosyldy. Osylaisha biylǵy jyldyń josparly kórsetkishi 2 esege jýyq artyǵymen oryndalyp, jataqhana tapshylyǵy 28,7 myń tósek-orynǵa deiin qysqardy, – dedi Almaty qalasy Jastar saiasaty basqarmasynyń basshysy Qaiyrjan Mendiǵaliev.
Aita keteiik, Jumysty tiimdi úilestirý úshin Almaty qalasynda Jobalyq keńse iske qosylǵan bolatyn. Ol qalamyzdaǵy jataqhana máselesin júieli túrde sheshý úshin qurylǵan.
"Bizdiń jataqhanada eki jańa ǵimarat, syiymdylyǵy 980 tósek-oryn, jalpy aýdany 14.000 sh.m. astam jáne sport kesheni bar. 10 aidyń ishinde biz úlken jumys jasadyq. Biz Almaty qalasyndaǵy stýdentterge arnalǵan turǵyn úi qajettiligin tolyǵymen jabatyn alǵashqy ýniversitetpiz", - dedi Qazaqstan-Britan tehnikalyq ýniversitetiniń rektory Maratbek Gabdýllin.
Búgingi tańda Jobalyq keńsede 42 452 tósek-orynǵa arnalǵan 48 joba bar. Onyń ishinde 33 nysan 38740 tósek-orynǵa arnalǵan jańa jataqhanalar, 15 nysan qaita jóndeý jumystarynan ótip, 3712 tósek-orynǵa arnalǵan jataqhana retinde beriledi.
