39 jastaǵy er adamnyń otbasy onyń ólimine dárigerlerdiń salǵyrttyǵy sebep boldy dep senedi. Aýrýdyń asqynýy men jaǵdaiynyń nasharlaýyna qaramastan, naýqas der kezinde kómek ala almady dep habarlaidy Dalanews.kz Almaty.tv arnasyna silteme jasap.
Eki aida aiaqtalýy tiis bolǵan tergeý isi bir jylǵa sozylyp ketti, – dep málimdeidi Almaty.tv tilshisi.
Muhtar Isabekov jyl basynda aýrýhanaǵa baryp, keýde tusynyń aýyrýy men álsizdikke shaǵymdanǵan. Alaida týystarynyń aitýynsha, dárigerler kómek kórsetýge asyqpaǵan.
Bastapqyda er adamdy oryn joq degen syltaýmen aýrýhanaǵa jatqyzǵysy kelmegen. Keiin, týystarynyń aitýynsha, «alǵyssyz» em jasalmaitynyn astarlap jetkizgen.
«Olar meniń inimdi qabyldamady, ýaqytty sozdy. Aqsha surady — biz berdik, tek tekserýden ótkizsin dedik. Qazir aqsha bermeseń, eshkim eshteńe istemeidi. Sonda dárigerler ne úshin ant beredi, eger ony oryndamasa?» — deidi marqumnyń aǵasy Sáken Isabekov.
Naýqasty aýrýhanaǵa jatqyzǵan soń, onyń jaǵdaiy kúrt nasharlap ketken. Anasynyń aitýynsha, uly birneshe ret úige qońyraý shalyp, «alyp ketińdershi» dep ótingen — aýyrsyný tózbeitin deńgeige jetti. Birneshe kúnnen keiin Muhtar kóz jumdy.
Dárigerlerdiń alǵashqy qorytyndysynda: «ókpede azdaǵan suiyqtyq bar» delingen. Alaida saraptama nátijesinde — shamamen bir jarym litr suiyqtyq anyqtalǵan. Táýelsiz saraptama dárigerlerdiń nemqurailyǵy men der kezinde em kórsetilmegenin rastady.
Politsiia basqarmasy bastyǵynyń orynbasary tergeýdiń toqtatylmaǵanyn aitty.
«Tergeý merzimi — eki ai. Eger qosymsha is-sharalar qajet bolsa, biz ony prokýror arqyly taǵy úsh-tórt aiǵa uzartamyz. Dárigerge qatysty saraptamalar taǵaiyndaldy. Qosymsha sot-meditsinalyq komissiia ótkizý josparlanyp otyr», — dedi oblystyq politsiia departamenti bastyǵynyń orynbasary Baijan Baigeldi.
